Pasta e fazołi

Pasta e faxoi el xe un piato poaro tipego de ła coxina veneta, e eł xe anca sparpagnà intel Itałia. De sòłito 'sto piato eł xe na menestra densa, ma ghe xe chi che fa na verxion pi densa, che ła xe pi come un piato seco.

Pasta e faxołi

Ghe xe defato tante version de 'sto piato, bexon soło che ghe sipia dei faxoi e de ła pasta. Dito questo, de sołito ghe xe anca un sofrito de sioła, ajo, sedano, carota e panseta, un toco de scorsa de Parmigiano Reggiano e na s-cianta de pomodoro. Ła pasta che ghe se buta ła xe de sołito dei subioti o dei bigułi spesai. I faxoi che se dopara i xe de sołito i borloti, che i połe esare o freschi o sechi, secondo a ła stajon.

Sto piato el se cata anca inte łe cuxine de Lasio, Canpania, Lonbardia e Toscana.