Pełìcuła fotogràfega

La pełìcuła fotogràfega el ze el suporto, de natura chìmega, doparà, da pì de 100 ani, inte łe fotocàmare anałòzeghe, par inprìmar imàzeni. Se bè che ghe fuse un curto perìodo de foradòpara, co ła dòpara senpre pì granda de ła fotografia dizitałe, el suporto anałòzego el ze tornà devegner doparà da artisti, fotògrafi profesionisti e inesperti, in tute łe so variante, da ła picenina ła granda forma, invertìbiłi istantanee e negative.

Confronto intrà ła forma mèdia e picenina

Istòria

Le imàzeni latenti de łe fotògrafie łe vegnea inte el prinsìpio inpresae in pełìcułe de rame, vero o metało tinzesti de sołusion fotosensìbiłi de nitrà de arzento. Inte el 1871, Richard Leach Maddox el ghea inventà na nova emulsion, parecià co bromuro de cadmio, nitrà de arzento e zełatina.

El 1888 el ghea vedesto el nasimento de ła Kodak N.1 e de ła pełìcuła involzìbiłe, andove el materiałe fotosensìbiłe el zera tinzesto su carta che inte el 1891 ła ze sta sostituia co na pełìcuła de cełułòide involta in rułi, o sia ła moderna pełìcuła fotogràfega.

Descrision

El suporto de baze pì comun el ze un sotiło nastro de materiałe naturałe trasparente, triacetà de sełułoza o sintètego, o sia de połièstere soraponesto da un strato anti-alon par evitare reflesi interni. I strati sucesivi i consiste inte un'emulsion de micro cristałi de ałozenuro de arzento despersi uniformemente in zełatina ànimałe o inte i ùltemi tenpi in zełatina sintètega. La sensibiłità a ła luze el ze data dai cristałi de ałozenuro, produzesto conbinando el nitrà de arzento co sałi de ałòzeni (cloro, bromo e iòdio) e ła połe vegner variada canbiando łe dimension dei cristałi.

Inte łe pełìcułe bianco/nero el ze prezente solché un strato de emulsion fotosensìbiłe, in chełe a cołori i ze necesari tre vari strati, sensìbiłi a łe vàrie frecuense de luze vedìbiłe doparando ła sintezi cromàtega sotrativa. Sti strati i ze uno sora de che l'altro e fati devegner sensìbiłi ai cołori co de łe mołècołe orgàneghe ciamae sensibiłizatori spetrałi. Partindo dal baso, el primo strato el ze sensìbiłe al roso, el secondo al verdo e el terso al blu. Intrà el verdo e el blu el ze prezente un strato-filtro de cołorante zało par evitare el pasajo del blu verso i strati inferiori.

L'emulsion par dòpari fotògrafeghi ła ze particułarmente tarada par ła luze vedìbiłe, ma ła ze anca sensìbiłe a l'infraroso, a l'ultraviołeto, ai raji X e ai raji gama. Par aplicasion sientìfeghe (fotògrafia noturna, radiografia e gamagrafia, film-badge, etc.) łe vien produzeste pełìcułe tarae par el spesìfego canpo de aplicasion.

Co che ła pełìcuła ła vien sotoponesta a un'espozision controłada de luze traerso el obietivo de na fotocàmara, se inprime su de sta cuà un'imàzene no vedìbiłe del momento fotografà, ciamada imàzene latente.

El ze de consevensa necesàrio aplegar a ła pełìcuła tratamenti chìmeghi in sołusion aguoza, par otegnere ła rivełasion de un'imàzene vedìbiłe e insensìbiłe a pòstere espozision a ła luze, mediante i procedimenti de desviłupo e fisajo.

L'imàzene rivełada ła ze costituia da stra-fin particułato de arzento metàłego (inte el cazo del B/N), ma coi toni ciaro/scuro invertii; ła ze formada invese da tre strati soraponesti de cołoranti conplementari ai cołori primari orizenałi (inte el cazo del cołore). Par ste motivasion in anbedó i cazi ła pełìcuła na volta tratada chìmegamente ła ze definia negativa.

Clasifegasion, caraterìsteghe, forme de imàzene

La pełìcuła fotogràfega ła susiste in du tipołozie: negativa o invertìbiłe. La prima ła restituise dopo del tratamento un'imàzene in negativo, de consevensa el ze necesàrio stanparla su carta fotogràfega negativa par otegnere (dopo desviłupo e fisajo) un'imàzene pozitiva (che ła ga łe istese tonałità caraterìsteghe de l'orìzenałe); al contràrio inte ła pełìcuła invertìbiłe, dizesta anca par diapozitive, el procedimento de desviłupo, ciamà in sto cazo inversion, el fornise diretamente su ła pełìcuła l'imàzene in pozitivo, da projetare o (pì raramente) stanpare su carta fotogràfega invertìbiłe.

Caraterìsteghe de łe pełìcułe łe ze sensibiłità, grana, latitùdene de poza, resołusion e contrasto. Le pełìcułe a cołori łe ze tarae par na determenada tenperatura de cołore, normalmente luze diurna (o fonti conparàbiłi, cofà flash ełetròneghi o flash a lanpadine inzurie, o sia tendenti a l'azuro). Par el dòparo co fonti lumenoze difarenti da ła luze naturałe se dòpara spesìfeghe pełìcułe tarae par lànpada al tungsteno o lànpada floresente; alternativamente i vien doparai filtri fotògrafeghi de conversion, par ła dòpara de un tipo de pełìcuła co difarente tipo de luze.

Tratamenti no stàndar

Se połe, drento de serte limitasion, esponer na pełìcuła a na sensibiłità difarente da cueła nomenałe. Co na tècnega ciamada tratamento spinzesto o "tirajo" (push processing in ingleze), se espone ła pełìcuła cofà se ła gavese na sensibiłità superior, otegnindo un'imàzene sotoesponesta, erlevando tenpo e/o tenperatura del tratamento par conpensàrghene ła scarsa espozision, aumentando anca el contrasto e ła grana, ma sto procedimento el parmete de fotògrafare anca in condision precàrie de luze andove no se garia podesto o se garia preferio no "scatar".

Altri projeti

Altri progetti

• Wikimedia Commons

• Wikimedia Commons el detien imàjini o altri file so Pełìcuła fotogràfega
• el detien schemi gràfeghi so

Linganbi foresti

• (EN) filmEnçiclopedia Britannica, Encyclopædia Britannica, Inc.