Perièlio

In astronomia, el perièlio (dal grego perì = da torno, helios = sołe) el ze el ponto de mìnema distansa de un corpo del Sistema sołare (pianeta, asteròide, cometa, satèłite artifisałe, etc.) dal Sołe. El ze par tanto un àpside.

Par anałozia, ła vien ciamà perièlio anca ła distansa minima de un corpo orbitante datorno a na steła difarente dal Sołe, anca se in tal-magnera se garia da doparare el tèrmano periastro. Inte el cazo de un corpo orbitante datorno a ła Tera se dòpara perizeo.

Viceversa el ponto de màsima distansa el vien denomenà afèlio. La lìnea imazenària che ła unise afèlio e perièlio ła ze dizesta lìnea dei àpsidi.

Linganbi foresti

• (EN) perihelionEnçiclopedia Britannica, Encyclopædia Britannica, Inc.