El pevaron a l'è un ortagio, dea fameja dee Solanaceae. El riva da l'America ma teo cati dapartuto.

Aparensa El ga colori difarenti ma le sorte le se someja intrà de lore; ghin'è de rosi, de verdi e de xali. La pianta xe un arbusto che el vien alto un metro (do spane in pì, do spane in manco), e el fruto el ga rento i semi - sti ki i xe a forma de dischetto, na meza via intrà el xalo e el maronsin. A ghe xe na version picante, rosa o verde, a la xe comunque longa e i teroni usa contro la sfiga.

Riprodusion EL pevaron el se pianta coe semense, anca se serti i xe anca boni de cavarghe i rameti bastansa vanti e far talee. Quando el se fa cresare, a bisogna star tenti che a ghe xe anca i bai che i lo magna o i lo copa; i peso xe la mosca bianca, gli afidi e serte muffe. I bromboli i lo asa bastansa chieto, ma xe sempre mejo tegnerlo distanti da l'orto.

Cusina Sto ortagio l'è magnà sia cruo in tee salade ca coto, come in tea peperonata. La version picante invese el se mete i tochetei picinini in tea supa, par darghe un gusto pi forte - ghe xe anca qualche oco ca lo magna cruo, ma asemo stare la jente sbalinà. Xa in tel 5500 a.S. (avanti Sior) i mesegani i lo magnava, quando i xera oncora infratà in tanta maeora in meso ae foreste americane. Quando l'è rivà in tee nostre cusine, l'è sta ciamà pevaron parché come gusto el ghe someja al pevare - de serto no para la forma.

Controło de autoritàGND (DE4044557-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pevaron&oldid=1110446"