Pianoforte preparà
Un pianoforte preparà el ze un pianoforte el cui son el ze stà modifegà insarindo vari ogeti intrà łe so corde. L'idea de canbiar el tinbro de un strumento co l'uzo de ogeti esterni ła ze stà aplegada ad altri strumenti oltra al pianoforte: A se veda par ezenpio ła ghitara preparàda.
 | |
| Tipo | ezibision al pianoforte e Prepared music  |
|---|---|
Inte i tòchi par piano preparà A se insarise intrà łe corde de'l pianoforte racuanti ogeti, in modo che ł'ezecutor el produza soni che i ze de'l tuto ultrònei. Ze un studio so ła conbinasion de'l tinbro: el conpozidór el ìndega ła preparasion de'l strumento, ma no'l deside el rezultado sonoro patòco de ła òpara. Se zènera soni che suzerise el son produzesto da na łocuèstra de parcusion. El ze un siménto inte i revardi de l'inviołabiłità dei strumenti clàseghi.
Storia
canbiaI primi esperimenti de piano preparà i resałe ad Erik Satie, che inte l'òpara Le Piège de Méduse. Sept pièces pour piano ("Ła tràpoła de Cono de Mar. Sete tòchi par pianoforte") el gà inserìo par ła prima volta inte ła casa armònega de'l piano dei ogeti (tocheti de carta, stricołete de metało ed altro) che, vibrando insénbre a łe corde co st'altre łe venjea martełàe, łe modifegava el son produzendoghene n'altro sofistegà. Drìoman el conpozidor statunitense Henry Cowell el ga conponesto tòchi par piano dove che bezonjava sonar łe corde coi dèi e co barete de metało, e po' inte'l 1940 A ze stà ordenàda a John Cage na mùzega par el bałéto Bacchanale: cui par ła prima volta Cage el prova cosientemente ła tècnega de'l "piano preparà" piasando na piàstra de metało so łe corde, cusì da modifegàr el tinbro de'l strumento e prodùzer soni parcusivi.