Co se parla de i pigmei no se intende on unico popolo. I pigmei i xe varie etnie che le gha en comun la strutura morfologica picoleta – i no xe pi alti de 150 cm -, la cultura de "raccoglitori-cacciatori", e speso i condivide cepi lengoistici. I pigmei i xera i privi veri abitanti de l’Africa e i se gha dovù spostar verso el sud o altre aree marginali soto la presion demografica de i bantu e de i nilotici co questi i gha scominsià le loro migrasioni verso el sud. I pigmei i xe normalmente pacifici e invese de combatar par el loro teritorio, i ghpreferio sempre scampar via. El termine pigmeo vien dal greco, pygmaioi, e dal latin, pygmaei, che vol dir la distansa tra el gombio e le noche de la man. El xera usà par riferirse a zente de basa statura. En te la mitologia greca el termine el xera usà par i nani che vegnea da l’Etiopia. Par questi motivi, e per l’uso negativo longo i secoli, el termine pigmeo el pol esar ofensivo. El xe sempre mejo parlar de i vari grupi pigmei usando el so nome propio. Qua e ne le altre vose de la wikipedia se usa el termine pigmeo solamento co el significato generale de popoli autoctoni africani.

Danzatori Baka del Camerun

OriginiCànbia

 
Batwa de l’Uganda

No ghe prove tra i ricatamenti de i paleontologi che i pigmei de ancò sia i direti disendenti de i caciatori-racoglitori de l’età de la piera africana. Questa però la xe la teoria pi seguida da i studioxi. Vari grupi de pigmei i usa lo steso vocabolario anca se i parla lengoe diverse, segno de vegnar da n’origine comun. I pochi studi de genetica i indica che alcuni grupi i xe molto antichi – par esempio i mbuti – ma che altri i no xe radicalmente difarenti da le popolasioni bantu che vive rente de lori. I geni responsabili par la basa statura i xe diversi da popolasion a popolasion. Sto fato el indica che no tuti i pigmei i gha on lineagio antico, el pol esar anca na mutasion recente de grupi bantu.


Distribusion geograficaCànbia

 
Distribusion de i pigmei

Se cata pigmei in quasi tuta l’Africa a sud del Sahara, specialmente en te l’Africa Sentrale e Meridionale. No se cata popolasioni pigmee en tel l’Africa Orientale, co esclusion de picoli grupi en Uganda, Burundi e Tanzania. Se cata, parò, testimonianse de la loro presensa en tel pasà da la leteratura orale e da i nomi de corsi d’acqua e de montagne.

Varda ancaCànbia

Łigadure foresteCànbia

  • Pigmei Africani Cultura, mùxega e foto de i caciatori-racoglitori de l'Africa sentrałe
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pigmei&oldid=888190"