Al pojat le an sistema che se usa tel belunese, ma anca fora, par portar la legna, mejo se de fagher, ma anca de peth e lares, in carbon. Sto sistema, le canbià an cin inte i ani, ma le sempre stat mantegnuda la so forma de montagneta co an camin in medo e altri bus te i fianchi usadi co l'intento de regolar al fià del fogo.

StoriaCànbia

Tra tuti i laori che inte la montagna i testimonia na vita de sacrifizio - par noi des squasi imposibile da pensar - l'era chel dei carboner. Par tanti ani i boschi de Belun i ze stadi posto de laoro par tanti de sti "artisti del fogo".

 
Al lavoro sul pojat

La tecnicaCànbia

La prima roba da far le la preparathion dele legne. I carboner i taiea le piante co luna calante te na part de bosch chei ghe dea lori, rispetando dele disposithion d leie che le disea de taiar le piante si, ma no tute insieme da far na verta. An documento storego dela fin del'800 al disea: "... Le legne de fagher par far carbon le deve gner da tai de diradamento fati inte le jovani faiete e da material de scarto." Dopo che i gnea sramadi gnea preparà dei tok de legna lunga squasi an metro che dopo 10-15 dì che le gnea lasade sugarse, le gnea portade inte la jal. In sti 10-15 dì gnea netada la jal, che la dovea esar distante da corenti d'aria e fta su na tera de sabia. Inte le vece jal se trava oncora incoi dei tok de lenc diventà carbon.

Controło de autoritàGND (DE4169343-7
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pojat&oldid=1011351"