Ponte Vecio (Basan)
El ponte sol Brenta, ciamà Ponte Vecio, Ponte de Basan o Ponte dei Alpin, catà inte ła sità de Basan, in Provincia de Vicensa, el xe considerà uno dei ponti pì carateristisi del' Itałia. Costruìo interamente in legno e coverto, el gà subìo numeroxi interventi e ricostrusion da ła so nasita, documentà inte el 1209 da Gerardo Maurisio. L'atuałe ponte el xe baxà sul projeto de Andrea Paładio del 1569.
 Ponte Vecio | ||
| ||
| Dati | ||
|---|---|---|
| Sorte | Ponte de arco e ponte di legno (it)   | |
| Architeto | Andrea Paładio | |
| Caraterìsteghe | ||
| Materiałe | legno | |
| Nùmaro de archi | 5 | |
| Mezurasion | 58 m ( ) | |
| Traversa | Brenta | |
| Basan | ||
| ||
| Monumento Nazionale (it) | ||
| Data | 5 de lujo del 2019 | |
|
| ||
Storia
canbiaEl ponte preexistente dal 1209 al 1569 el gera na strutura in legno su piłoni e coverta da un teto che costituise ła fondamentałe via de comunicasion intrà Basan e Vicensa.
Projeto de Paładio
canbia
Inte el otobre del 1567 ghè fu na vigoroxa piena del fiume Brenta che travolse ło storigo ponte preexistente. L'architeto Andrea Paładio fu coinvolto inte ła ricostrusion sin dai mexi imediatamènte sucesivi al croło: łù projetò daprima un ponte in pietra conpletamente diverso da queło de prima, a tre arcàe sul modeło dei antighi ponti romani. El Consejo çitadin bocciò tutavia el projeto, inponendo all’architeto de nò discostarse masa da ła strutura tradisionałe.
Inte el estate del 1569 Paładio prexentò donca un secondo projeto definitivo de un ponte in legno che el ricìamava in pratega ła strutura presedente, anca se radicalmente rinovà quanto a sołusion tecnighe e struturałi, e de grande inpato vixivo. Unico rimando a un linguaxo architetonego l'è l’uxo de cołone de ordine tuscanico come sostegni dell’architrave che el rexe ła copertura.
Demołision e ricostrusion
canbia
A conferma dell'eficiensa tecnołoxega de ła strutura paładiana, el ponte rexistete par scuaxi doxento ani, crołando a seguito de ła travolxente piena del Brenta del 19 agosto 1748. El ponte el ze sta cusita ricostruìo da Bartolomeo Ferracina seguendo in maniera precixa el dixegno paładian.
Inte el 1813 el ponte fu poi insendià dal viseré Eugenio de Beauharnais e sucesivamènte riedificà inte el 1821 da Angelo Casarotti, cò łe stese forme presedenti.
Durante ła prima guera mondiałe sul sełebre ponte i pasarono łe trupe 'tałian del xenerałe Luigi Cadorna par afrontar ła cełebre difexa dei teritori dell'altopian dei sete comuni (da questo avegnimento el xe nato el soranome de Ponte dei Alpini).
El ponte el fu poi raxo al soło pà ła tersa 'olta el 17 de febraro 1945 pena pasàe łe 19, ora inte ła cuała scominsiava el coprifogo, el Ponte Vecio de Basan veniva bonbardà da na forte esploxion. L'asion de sabotagio, che faxeva parte de un pian pì vasto vołuo da i Aleai contro i ponti de ła Pedemontana, fu exeguia da un grupo de 15 partixani tuti armai e in bisicleta, do dei cuałi i trainava ciascun a rimorchio un caretin carico de esploxivo inescà. I dani i xe stai notevołi e ghè furono anca do vitime.
El comandante del grupo el gera Primo Visentin nome de bataja "Masaccio", come ricorda ła targa prexente oncora on cò sol ponte.[1][2] El ponte fu cussita ricostruio inte el 1947 secondo l'orixinałe dixegno de Paładio.
El ponte infin fu gravemente danegià da ła ecesionałe piena cò aluvion del 4 novembre 1966, a seguito de ła cuałe el vien efetuà un sistematego restauro struturałe.
El canto popołare
canbia
Sul ponte de Basan
là ci darem ła man
là ci darem ła man
e un baxin d'amor.
Par un baxin d'amor
sucese tanti guai
nò ło credevo mai
doverte abandonar
Doverte abandonar
vułerte tanto ben
'l xe un giro de catene
che m'encatena el cor
Che m'encatena el cor
che m'encatena el fianco
nò poso far de manco
de pianxere e sospirar
Note
canbia- ↑ Lapide sul ponte che ricorda l'avegnimentorete.comuni-italiani.it. entrada il 24-3-2011.
- ↑ ANPI Vicenza - FOZAanpi-vicenza.it. entrada il 24-3-2011.
Altri projeti
canbia
Wikimedia Commons el detien imàjini o altri file so Ponte Vecio
el detien schemi gràfeghi so
| Controło de autorità | VIAF (EN) 244298656 · WorldCat Identities (EN) 244298656 |
|---|