Ła Porsche (pronunsia todesca: ['pɔɐ̯ʃə]; in itałiano comunemente /'pɔrʃ/[2]) ła xe na caxa automobiłìstega todesca co sede al cuariter Zuffenhausen de ła çità de Stocarda (Baden-Württemberg).

Dr. Ing. h.c. F. Porsche AG
Porsche Zuffenhausen factory, Stuttgart (9653484409).jpg
StatoDEU
Forma sosietariaAktiengesellschaft
Borse vałoriXetra: POR3
Fondasion1931
Fondada daFerdinand Porsche
Sede prinsipałeStocarda
GrupoVolkswagen
Setoreautomobiłìstego
ProdotiAutomobiłi
Faturà22,3 miliardi [1] (2016)
Dipendentica. 27,000
www.porsche.de/

El capital soçial dal 2012 xe posedesto par intièro da ła Volkswagen (in presedensa ghe jera na partesipasion asionaria de minoransa).

Ceni storeghiCànbia

I scominsiCànbia

Ła storia de ła Porsche ła scumisia ofisialmente el 25 de avril del 1931 co ła fondasion del studio de projetasion e inxegnerìa Dr. Ing. h.c. F. Porsche GmbH (dott. ing. honoris causa (inte'l 1924) Ferdinand Porsche s.r.l.) a Stoccarda da parte del fondador boemo Ferdinand Porsche daspò i studi vienexi e ła proficua cołaborasion daprima co Lohner inte ła reałixasion de auto ełetreghe ed ibride anca a trasion integrałe e drìoman senpre a Viena in Austro Daimler: xe st'altro el vero nucleo orixenario de l'axienda Porsche, in cui ben presto tacarà fornir el pròpio inportante contributo anca el fiol de Ferdinand, overo Ferdinand Anton Porsche (dito "Ferry").

El 17 de xenaro del 1934, durante el periodo naxista, so rechiesta de Adolf Hitler, Ferdinand Porsche ła fa un esposto consernente ła projetasion e ła costrusion de na vetura a destinasion popołar: ga nasesto cusì ła prima çełebre Volkswagen overo l'auto del popoło (dal todesco Volks = popoło (inte'l caxo xenitivo de ła paroła) e Wagen = vetura).

Intorno al 1938 par che'l steso Hitler fornise spesìfeghe rechieste tecneghe a Ferdinand Porsche par ła reałixasion de na automobiłe da łe prestasion pì ełevàe. Łù, insieme al fio el ga łaorà asiduamente par dare vita a ła prima vera Porsche, che paraltro entrarà in produsion, tra miłe dificoltà e vicisitudini łigàe a l'exito de łe vicende bełiche, solchè diexe ani drìo, overo inte'l 1948 a Gmünd in Kärnten, da novo in Austria andove inte'l 1944 jera stà spostà ła sede e fondà ła Porsche-Werk Gmünd: el çełebre modeło 356, prima vera automobiłe produxesta in serie co ła marca Porsche, fin dal prinsìpio produxesta sia in version cabrio che coupé (oltra a ła çełebre Speedster par el marcà merican). Da notar che ła marca Porsche ła produxarà senpre anca łe varianse cabrio dei pròpi veicołi.

 
Ła 356 Speedster

Ła mecànega de Ła vetura ła ricalcava inte'l schema de baxe l'inpostasion de ła Volkswagen, cioè motor boxer a cuatro çiłindri, sfredìo ad aria, cołocà in poxision łonxitudinałe dadrìo a sbalso overo co'l monobloco oltra l'ase dadrìo e'l canbio verso l'abitacoło.

El motor inisialmente utiłixà el mantegneva ła configurasion del Maggiolino ma co'l sistema de ałimentasion rivisto par ła prexensa de do carburatori, uno par bancada. Anca i materialł e łe tecnołoxìe utiłixài par testàe, çiłindri, pistoni, albaro a came e mecanismi bieła-manoveła xe stà progresivamente mejorà, consentindo in tal modo reximi de rodasion pì ełevà e de conseguensa maxori prestasion, grasie anca a un raporto potensa/çiłindrata tanto favorevołe.

Drìoman vien introduxesto, noma che par łe version pì sportive, un motor pì conpleso e sofistegà, dotà de un sistema de distribusion a dopio albaro a came in testa, projetà da Fuhrmann e dito Carrera in onor de ła gara automobiłìstega Carrera Panamericana. El motore a 4 çiłindri, baxà so l'architetura a sìngoło alabaro a came inte'l baxamento, l'è sta comuncue mantegnesto e l'a durà par tuta ła produsion del modeło 356 e oltra, dao che'l jera stà utiłixà anca so'l modeło Porsche 912 fino al 1969 inte ła variansa da 90 cv.

 
Ła 550 Spyder

Dal 1951 ła produsion de łe Porsche ła xe stà definitivamente trasferìa a Stocarda inte'l distreto de Zuffenhausen.

Co'l pare de Ferry, Ferdinand, xe moristo inte'l 1951, ła Porsche ła ga concuistà ła so prima vitoria de clase a ła 24 ore di Le Mans. Inte'l 1953 ga vedesto ła łuxe ła 550 Spyder, na barcheta studiada postatamente par łe conpetision co un motor boxer a cuatro çiłindri de 1.498 cm³ e 110 cavałi de potensa, co na potensa speçifega de 73,4 cavałi/łitro, non indifarente par na auto de chel periodo.

Ła dispoxision del motor ła xera çentrałe, cioè co'l monobloco verso l'abitacoło a l'interno de l'aso dadrìo e'l canbio verso l'esterno. Sta cołocasion de l'unidà motrice ła conferiva maxor stabiłità e ła vegnarà aplegà racuanti desni drìo a modełi de serie (Porsche 914, Porsche Boxster e Porsche Carrera GT).

Sto modeło l'è pasà a ła storia par i numaroxi sucesi sportivi e anca par el fato che l'ator James Dean xera al vołante de na "550" co'l ga avesto l'inçidente che ghe n'a cauxà ła morte el 30 de setenbre 1955.

NotasionCànbia

  1. (DE) Rekordergebnis für Porsche. 17 marzo 2017. Lingambo vardà el 7 marzo 2018.
  2. Secondo il DIPI, che riporta come pronuncia meno comune /'pɔrʃe/, più fedele al tedesco perché con due sillabe.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Porsche&oldid=960860"