Primo triumvirà


Primo Triumvirà el ze el nome che i stòreghi i ghe ga atribuito a ła liansa pułìtega no ufisałe, inte ła Roma antiga, de Gajo Zùlio Cézare, Marco Lizìnio Craso, e Gneo Ponpeo Magno inte el 60 a.C.. Al contràrio del Secondo triumvirà, el Primo Triumvirà el ze sta caraterizà da un acordo stretamente privà e no ga pì avesto vałore ufisałe – el so podere inte el Stato roman el zera derivà da l'influensa personałe dei Triumviri inte ła pułìtega de ła Repùblega – e el zera sta de facto mantegnesto segreto par un fià de tenpo, cofà parte del projeto pułìtego dei Triumviri medèzemi.

Infobox de AvegnimentoPrimo triumvirà
First Triumvirate of Caesar, Crassius and Pompey.jpg
Tipoliansa Cànbia el vałor in Wikidata
Data60 v.C. Cànbia el vałor in Wikidata –  53 v.C. Cànbia el vałor in Wikidata
StatoRepubblica romana (it) Traduzi Cànbia el vałor in Wikidata

Perìodo stòregoCànbia

Craso e Ponpeo i zera stai cołeghi cónsołi inte el 70 a.C., co i gaveva emanà na leje par el totałe repristin dei poderi dei tribuni de ła plebe (Lùcio Cornèlio Siła el gaveva de facto cavà tuti i poderi ai tribuni de ła plebe fora che el ius auxiliandi, el derito de jutar un plebeo in cazo de persecusion da parte de un mazistrà patrìsio).

Tutavia, fin cuel momento, i do òmani i ghea vesto na notévoła antipatia resìproca, ponesto-che ognuno el penseva che l'altro el ghese suparà i so lìmiti par crésar ła so reputasion fazéndoghe pagar al cołega.

Liansa intrà Cèzare, Craso e PonpeoCànbia

Cèzare prima el zera sta bon de rimétar de acordo i do òmani e dopo el ghea unio ła so influensa a cheła de lori par vegner ełezesto cónsołe inte el 59 a.C.; lu e Craso i zera za boni amighi e el ghea insołidio ła so liansa co Ponpeo dàndoghe in maridauro so fioła Zùlia. La liansa ła ghea ła granda popołarità de Cézare e ła so reputasion zurìdega co ła granda richesa de Craso e ła so influensa inte l'órdene ecuestre e co l'ugualmente spetacułare richesa e fama miłitare de Ponpeo.

El Triumvirà el ze sta mantegnesto segreto finmenteché el Senato no el ghea tacà far opozision a ła leje agrària proponesta da Cézare che ła fondava cołònie de sitadini Romani e ła spartia tochi de l''ager publicus ai veterani de Ponpeo.

NotasionCànbia

Altri projetiCànbia

Linganbi forestiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Primo_triumvirà&oldid=1064923"