Programa Viking
La mision Viking ła zera formada da du sonda spasiałe, ła Viking 1 e ła Viking 2, ognuna de łe cuałe formà da un mòduło orbitante (o sia un orbiter) e un moduło de aterajo (o sia un lander).
 Programa Viking | |
 | |
| Tipo de mision | programa de ła NASA  |
|---|---|
| Ligo web | Web oficial |
| Inici de la mision | |
| Data de lansamento | |
| Liogo de lansamento | Cape Canaveral |
|
| |
I fini primari de ła mision i zera:
- otegnere imajini a alta resołusion de Marte;
- caraterizare ła strutura e ła conpozision de l'atmosfera e de ła superfise;
- sercar trase de vita ałiena.
La ze stada la mision pì cara e anbisioza mai spedia par studiar Marte, co un costo totale de poco pì de 1000 milioni de dòlari de cheła època. Soto de tuti i ponti de vìsta, el programa Viking el ga avesto bon-èzito e el ga portà ła granda parte de łe informasion so Marte che łe se ghea vesto dispunìbiłi inte ła fin de ła dècada del 1990.
El Viking 1 el zera sta lansà ai 20 de agosto del 1975 e el Viking 2 ai 9 de setenbre de l'isteso ano, tute e do portae un òrbita dal vetore Titan III-E. Na volta rivae inte l'òrbita de Marte, par vari mezi, le dò sonde łe ga portà vanti na operasion de renlevamenti fotogràfeghi de ła superfise marsiana, par dopo pasar a ła decizion dei mejo siti de aterajo. El 20 de lujo el lander del Viking 1 el se ghea destacà da l' orbiter e el se ghea aterà inte ła superfise de Marte, in Chryse Planitia, a 22,3° latitùdene nord e 48,0° Lonzitùdene est, un posto arente a cheło pensà in prinsìpio, ma considarà pì tardi, dopo del stùdio de łe imàzeni rivae, cofà un posto poco seguro par el aterajo.
El lander el zera vegnesto prima steriłizà co granda rancura in operasion de insebramento dei tochi col zera in Tera, col fin de evitar calsìase pusìbiłe contamenasion del anbiente marsian. Ła durada de ła mision ła zera prevedesta e definia a 90 dì da l'aterajo, ma sia che el lander che el orbiter i zera ndai vanti inte łe oparasion par tenpi belché pì longhi. L' orbiter el ghea oparà par altri 4 ani, mandando insieme a la sonda zemeła Viking 2 pì de 1400 imàzeni, co na resołusion de 300 e 150 metri e in racuante partegołari rejon, par fin de 8 metri par pixel
Notasion
canbia
Altri projeti
canbia
Wikimedia Commons el detien imàjini o altri file so Programa Viking
el detien schemi gràfeghi so
Linganbi foresti
canbia- Sito ufisałenasa.gov.
| Controło de autorità | VIAF (EN) 221657497 · LCCN (EN) n97085623 · WorldCat Identities (EN) n97-085623 |
|---|