Rejo decreto

Un rejo decreto-leje (RDL), inte i ordenamenti zurìdeghi co forma de goerno monàrchega, el ze un ato che el ga forsa de leje emanà dal Re.

Inte el mondoCànbia

ItàliaCànbia

Inte el ordenamento zurìdego italian el rejo decreto-leje (R.D.L.) el zera un ato che el ghea forsa de leje adotà dal Consejo dei ministri e promulgà dal re inte el ndar del Regno d'Itàlia. Le necesità pułìteghe e aministrative del Goerno i ło gaveva induzesto fin da l'Unità d'Itàlia de emanare co rejo decreto norme zurìdeghe de conpetensa del podere lejislativo. Solché inte el 1926 ła zera vegnesta aprovada na leje (leje 31 de zenaro del 1926, n. 100) che ła regołamentava ła facoltà del podere ezecutivo de emanare norme zurìdeghe.

I reji decreti leje no abrogai da seventi despozision e conpatìbiłi co ła Costitusion de ła Repùblega Italiana i resta in vigore anca inte l'ordenamento de ła Repùblega Italiana.

Regno UnioCànbia

Inte el Regno Unio el royal charter el ze emanà dal sovran de ła monarchia del Regno Unio e el ga moltèpleghi dòpari, cofà par ezénpio par conferir el status de università e poderi de asegnasion de tìtułi a college o a altri enti pùbleghi o teritoriałi.

SpagnaCànbia

In Spagna el real decreto ley el ze un ato che el ga forsa de leje adotà dal Consejo dei ministri e emanà dal re in cazo de straordenària e urzente necesità drio dei sensi de l'art. 86 de ła Costitusion, che el ghene dimanda ła vałidasion inte i seventi trenta dì da parte del Congreso dei Deputai, ła càmara basa del Parlamento.

Siben gavendo forsa de leje, łe ghe ze precludeste racuante matèrie: l'ordenamento de łe istitusion fondamentałi del stato; deriti, gaveri e libartà dei sitadini stabiłii inte el Tìtuło I de ła Costitusion; el rezime de łe comunità autònome e el derito ełetorałe zenerałe.


Voze corełaeCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Rejo_decreto&oldid=1081820"