Renato Pozzetto

Renato Pozzetto (Laveno-Mombello, 14 de lujo 1940) el xe un ator comico.

Renato Pozzetto
Renato Pozzetto - Il Ragazzo di Campagna.jpg
Renato Pozzetto sol set del film Il ragazzo di campagna (1984)
Sitadinansaitałiana
Nasimento14 łujo 1940, Miłan
MorteCànbia el vałor in Wikidata
Łéngue parlaeŁengua itałiana
Ocupasion
Rexidensa atuałeGemonio
StrumentoVoxe Cànbia el vałor in Wikidata
IMDB: nm0694843 Allocine: 34948 Allmovie: p57596
Musicbrainz: 290b9a67-bef4-43f1-92cb-7e9a75f8e8dc


BiografiaCànbia

(VEC)
«Eh la Madòna!»
— El pì famoxo tormentón de Renato Pozzetto

Fiol de na cùbia de laoradóri, el pasa ła so infansia a adolesensa a Gemonio (nel varexoto); drìo aver studià in t' un istituto tecnico par geometri, el maùra łe sue prime importanti esperiense ne l'anbiente del cabaret miłanexe. Inte el 1964 el forma na còpia comica co Cochi Ponzoni tacando a exibìrse insieme a l'Ostarìa de l'Oca. I se exibise al Cab 64 costituendose co Enzo Jannacci, Felice Andreasi, Bruno Lauzi e Lino Toffolo ne el Grupo Motore, par po' intràr al Derby de Miłan. Da quel mumento i do xe conossùi col nome de Cochi e Renato.

La copia de comici tira subito gran sucesso, insénbre i dà vita a un stìłe comico senplice ma, al tenpo medèmo, orixinàl e poetico. La popołarità cresse vełoce ed in poco tenpo i riva danànsi a łe tełecamere de ła RAI, in alguni caxi anca in trasmisión che li vede prexentàr e protagonisti: Quelli della domenica (1968), Il buono e il cattivo (1972), Il poeta e il contadino - l'incontro che non doveva avvenire inte el 1973 e Canzonissima inte el 1974.

Inte el steso periodo i inside insieme diverse canson de sucesso grasie a ła cołaborasion co Enzo Jannacci, in particołàr La gallina, Canzone intelligente e sòra tuto ła strafamóxa E la vita, la vita. A partì da ła metà dei ani setanta Renato Pozzetto continua ła cariera da so pòsta, debutando inte el sìnema in Par amare Ofelia (1974): xa sto film ghe permete de esprìmer la so recitasion straniante, che se baxa so' ła mimica, che ghe segura na gran popołarità; i personaxi de łe senegiature sinematografiche drìo el so umorismo sureàl e orixinàłe co situasión e anbientasión tìpeghe de ła Comedia a l'Itałiana.

Tra łe so altre interpretasion sinematografiche dar ricordàr: Oh! Serafina (1976), Giallo napoletano (1979), La patata bollente (1979), Mia moglie ze una strega (1980), Sono fotogenico (1980), Il ragazzo di campagna (1984), 7 chili in 7 dì (1987), Da grande (1987), Noi uomini duri (1987), Le comiche (1990), Le comiche 2 (1991), Le nuove comiche (1994), Anche i commercialisti hanno un'anima (1994), Miracolo italiano (1994) e Mollo tutto (1995), mentre di Saxofone (1978), Papà dice messa (1996) e Un amore su misura (2006) gà curà anca ła regia. Ne ła so carièra sinematografega el gà fato copia co alguni dei pì popołari atori itałiani: Carlo Verdone, Paolo Villaggio, Tomas Milian, Nino Manfredi, Christian De Sica, Adriano Celentano, Teo Teocoli, Johnny Dorelli, Enrico Montesano, Massimo Boldi, Ezio Greggio; e co apresàe atore itałiane come Giovanna Ralli, Mariangela Melato, Monica Vitti, Claudia Cardinale, Dalila Di Lazzaro, Agostina Belli, Stefania Casini, Maria Rosaria Omaggio, Edwige Fenech, Corinne Clery, Ornella Muti, Gloria Guida, Eleonora Giorgi, Sabrina Ferilli e molte altre.

Dal 2000 el xe tornà in copia co Cochi Ponzoni in tełevixion e in teatro, mentre inte el 2009 el xe protagonista de ła canpagna del Governo contra el fumo, dal titoło: "Fumare uccide: difenditi!!"[1] Inte el pomerigio del 21 disenbre de quel medèmo ano a l'inpensàda mor so mugèr Brunella Gubler ne ła lo so caxa de Miłan. [2] Inte el 2013 el torna in tv come testimonial de Orocash co so fiòło Giacomo e come protagonista de ła fiction Casa e bottega.

El xe tifoxo del Milan.[3]

FilmografiaCànbia

AttoreCànbia

RegistaCànbia

SenegiatorCànbia

DopiatorCànbia

DiscografiaCànbia

  Par savèrghene de pì, vardarse ła voxe Cochi e Renato.

Albun dal vivoCànbia

Albun de studioCànbia

SingoliCànbia

RacolteCànbia

RiconosimentiCànbia

NoteCànbia

  1. Renato Pozzetto testimonial della nuova campagna ministeriale antifumosalute.agi.it.
  2. Milano - È morta la moglie di Renato Pozzetto | Lombardia | Varese News
  3. Spazio Milan ESCLUSIVO – Renato Pozzetto: “Ibra ze unico! Pato? Sarà contenta la sua fidanzata…”
Controło de autoritàVIAF (EN46456073 · ISNI (EN0000 0001 1471 8572 · SBN (ITIT\ICCU\CFIV\003332 · LCCN (ENno2003083153 · GND (DE1023053977 · BNF (FRcb150036305 (data) · BNE (ESXX1291625 (data) · NLA (EN42244274 · WorldCat Identities (ENno2003-083153
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Renato_Pozzetto&oldid=1050819"