Repùblega de Estònia (1918-1940)
La Repùblega de Estònia (in èstone Esimene Eesti Vabariik) ła ze sta na nasion susistia dal 24 de febraro del 1918 a l'istà del 1940. A l'indipendensa de l'Estònia ghe se zera rivà dopo de un conflito ocoresto intrà el 1918 e el 1920, finio solché inte el momento che, inte el 2 de febraro del 1920, ła Rùsia soviètega e l'Estònia i ghea firmà un tratà de paze de mùtuo reconosimento.
|
|||||
| |||||
| Dati istòreghi | |||||
|---|---|---|---|---|---|
| Avegnimento ciave | |||||
| Istòrego | |||||
|
| |||||
El 15 de zugno del 1920, l'Asenblea costituente ła ghea aprovà ła proposta de ła prima costitusion de ła Repùblega de Estònia e inte el 22 de setenbre del 1921 l'Estònia ła zera devegnesta un menbro de ła Socetà de łe Nasion.
Dopo de l'entrada in vigore de ła seconda costitusion del 1924, precedesta da un tentativo de colpo de Stato, ła nasion ła ghea vivesto un perìodo de instabiłità pułìtega durà par na dècada. Inte el 1934 el se ghea vesto un novo colpo, stavolta co bon-èzito, de sevente del cuało el ze sta istituio un rezime autoritàrio guidà da Konstantin Päts.
Dopo de ła repartision in sfere de influensa intrà l'URSS e ła Zermània inte el 1939 col pato Molotov-Ribbentrop, Mosca ła ghea proponesto a l'Estònia inte el setenbre del 1939 de firmae un tratà de mùtua asistensa e, inte el 6 de agosto del 1940, dopo èsare stada ocupada miłitarmente, l'Estònia ła zera sta inglobada inte l'URSS. L'Estònia ła ze bona de rivar a ła so indipendensa solché inte el 20 de agosto del 1991.
Notasion canbia
Altri projeti canbia
Wikimedia Commons el detien imàjini o altri file so Estònia (1918-1940)
