Republega Democradega del Congo


La Republica Democratica del Congo[1] xe no Stato de l'Africa Centrale.
El confina co la Republica del Congo a ovest, co la Republica Centrafricana a nord, co el Sud Sudan a nordest, co l’Uganda, el Ruanda, el Burundi e la Tanzania a est, co lo Zanbia a sudest, co l’Angola a sudovest e co l’enclave angolano de Cabinda a ovest; el gha no sboco sul Oceano Atlantico.

Republega Democradega del Congo
(FR) République Démocratique du Congo
(FR) République démocratique du Congo
(FR) la République démocratique du Congo
Republega Democradega del Congo – Stema Republega Democradega del Congo – Bandiera
Dati aministradivi
Nome conpletoRepublica Democratica del Congo
Nome ufisiałe(FR) République Démocratique du Congo
Łéngue ufisiałiŁéngua fransexe
CavedałeKinshasa
Pułìtega
Forma de goernorepublica
Cao de StatoPresidente
Entrada inte el ONU20 de setenbre, 1960
Superfise Totale2 344 858km²
% de łe àcue3,3
Popołasion
Viventi86 790 567 (2019)
Taso de fertiłità6,006 (2014)
Xiografia
ContinenteAfrica
Confini
Fuxo orarioUTC +1, UTC +2
Economia
Valutafranco congołexe
PIL (nomenałe)37 241 300 948,66 (2017)
PIL pro capite (nomenałe)462 (2017)
PIL (PPA)72 319 029 068 (2017)
ISU0,46 (2017)
Consumo enerxètego0,011 kWh/ab. anno
Vàrie
Còdaxi ISO 3166CD, COD, 180
TLD.cd
Prefiso tełefònego+243
Sigla targa automobiłìstegaCD
Festa nasionałe30 de giugno
Carte interative

GiografiaCànbia

  Par savèrghene de pì, vardarse ła voxe Giografia de la Republica Democratica del Congo.

La majoria del teritorio xe formà da basipiani; al sud se cata de le catene de monti.

I fiumi pereni ze centinara. El pi' inportante el xe el Congo, che el xe navigabile fin a Kisangani[2]
Al confin orientale, se cata i laghi Edoardo, Alberto, Tanganica e Kivu[3].

Quasi tuto el Congo gha na piovosità alta.

I basipiani i xe cuerti da foreste, speso impenetrabili co mezi difarenti da cheli acuatisi o aerei. Al nord se cata de le savane.

StoriaCànbia

  Par savèrghene de pì, vardarse ła voxe Storia de la Republica Democratica del Congo.

AntighitàCànbia

Dopo el VII secolo de la nostra era, le migrasioni bantu xe rivà ne la zona ora conosù come Congo e sa stabiliò qi, fasendo scapare i pigmei che i sa sconti en te la foresta (Ituri) o i sa mosi rente al confin co el Ruanda e Burundi de ancò.
I bantu gha svilupà vari regni che i vivea de la trata de i sciavi e del marcà de l’oro e avorio co la costa.

I eoropei xe rivà a la corte del re del Kongo za nel XV secolo. La prima mapa de la regione xe quela preparà da Alvise Cadamosto, esplorator venexian.

ModernitàCànbia

A la Conferensa de Berlino del 1884-5, el teritorio a sinistra del Congo ghe stà da al re del Belgio Leopoldo II, che el le tengnea come propietà personale.
I so agenti gavea libartà de copar i locali che no volea laorar par le so compagnie. Anca se no ghe documenti sicuri, da i 5 ai 15 milioni de congolexi xe stà copà tra el 1885 e el 1908 parchè i resistea l’ocupasion. Nel 1908, soto presion par i so metodi, el re gha venduo el Congo al governo Belga. No ghe fu cambiamento par quanto riguarda i diriti umani de i congolexi.

IndipendensaCànbia

El Belgio gha dato l’indipendensa al Congo nel 1960.

Patrice Émery Lumumba fu eleto primo ministro e segretario de la difesa.
I soldai de l’esercito i se gha ribelà a i uficiali belgi che i gha dovesto scapare. L’esodo de i belgi ghe scominsià subito dopo.
La situasion xera tesa e Lumumba gha domandà a l’ONU de mandar de le trupe par mantegnar la calma. Soto presion de i USA, l’ONU gha rifiutà e Lumumba gha domandà el sostegno de la Rusia. I americani e i belgi gha alora pensà de libararse de lu. Nel genaro 1961, el colonel Mobuto Sese Seko gha arestà, torturà e siolto ne l’acido Lumumba.

Se verze così el periodo pi bruto de la storia del Congo. Mobutu gha subito fato vedar che xera on ditatore duro e sensa rispeto de la zente. Dopo 36 ani de ditatura, el Congo, paexi tra i pi richi de l’Africa, xera distruto en tute le so infrastruture.

Nel 1997, Laurent-Désiré Kabila, partendo da le so basi en Tanzania e Ruanda, e sostenù da i militari statunitensi, gha invaso el Congo e caturà la cavedal e sa meso a governo fin al 2001, quando el fo asasinà da on grupo de fedeli de so fiol Joseph Kabila. Dal 1998, el Congo vive na guera civil che no l’è ancra finia.

Joseph Kabila gha vinto le elesioni del 2006 e xe el presidente del Congo.

Giografia politegaCànbia

La cavedal xe Kinshasa.

Sudivixion aministrativaCànbia

Ła Republica Democratica del Congo ła xe divixa in 11 province.

  1. Bandundu
  2. Bas-Congo
  3. Ecuador
  4. Kasai-Occidental
  5. Kasai-Oriental
  6. Catanga
  7. Kinshasa
  8. Maniema
  9. Nord-Kivu
  10. Oriental
  11. Sud-Kivu

PopolasionCànbia

EtnieCànbia

Ghe pi de 270 etnie.

ReligionCànbia

Cheli che seve la cexa cristiana catolega li xe el 55%, le religioni tradisionali el 28%, i catolici protestanti 15%, el islam e altre minoranze 2%.

LengoeCànbia

Lengoa oficial la xe el fransexe, co kikongo, lingala, tshiluba e swahili.
La gente parla sirca 242 lengoe locali.

EconomiaCànbia

La zente che vive soto el livel de la povertà xe sora al 80%.

L’agricoltura, par ora de susistenza, podaria esar na fonte de guadagni ingenti.
Anca l’industria forestale gha de le posibilità incredibili.
El Congo xe on de i paexi pi richi de risorse naturali de tuto el mondo; diamanti, uranio, fero, mercurio, oro, petrolio e altri.

Le industrie no le funsiona par via de la guera, ma gavaria anca lore de le posibilità imense de cresita.

NoteCànbia

  1. za conosù come Zaire e da no confondar co la Republica del Congo
  2. 2 000 km da Kinshasa
  3. che i xe quatro de i cinque Grandi Laghi de l'Africa
Controło de autoritàVIAF (EN134864542 · ISNI (EN0000 0001 2289 9107 · LCCN (ENn80061022 · GND (DE4067357-1 · BNF (FRcb13339496v (data) · NDL (ENJA00574550 · WorldCat Identities (ENn80-061022
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Republega_Democradega_del_Congo&oldid=648495"