Rifugio Rumor
El rifugio Rumor, 1748 m, el xe suła montagna de łe Laste, in Veneto, in provinça de Vicensa a Canpomolon, poco soto el Forte Canpomolon, e prima del Paso de Valbona. El ga 30 posti leto. El xe verto tuto l'ano, ma d'inverno soło el fin setimana. El xe in na xona selvadega asè, con tanti cauriol, volpi, crà, gavinel e pojane. Ghe pasa tacà ła strada ke mena su al Paso de Valbona e poco pi soto ghe xe na strada bianca, sterà, ke mena xo in Val Riofredo. El rifugio pol esare un bon punto de pojo par 'ndar sul Monte Toraro, sul Monte Canpomolon e sui altri monti de łe Laste.
