Oryza sativa

El rizo (Oryza sativa L., dal grego antigo όρυζα óryza) ła ze na pianta erbasea anuałe de ła fameja de łe Poaceae, de orìzene axiatega.

Oryza sativa

Dati
Fonte de	rixo, Saccharum Granorum (en) , Japonica rice (en) , Olio di riso (it) , rice seed oil (en) , germe di riso (it) e rice germ oil (en)
Piante
Tipo de fruta	cariosside (it)
Tasonomia
Superregno	Eukaryota
Regno	Plantae
Órdene	Poales
Fameja	Poaceae
Tribù	Oryzeae
Zènare	Oryza
Spece	Oryza sativa L., 1753

Insieme a ła Oryza glaberrima, dal pericarpo pigmentà roso, cultivada in Africa, ła ze una de łe do spece de piante dal cuało se produze el "rizo" intendesto cofà magnare. L'Oryza sativa ła costituise ła stragranda majoransa del rizo produzesto, dato che eła soła ła fa sirca el 95% de ła superfise mondiałe cultivada.

Descrision

Ła ze na pianta erbàsea, alta da 120 a 195 cm (połe rivar anca ai 5 metri de altura) co raize aventìsie e enbrionałi, łe cuałe łe ga ła caratarìstega de sviłupar dei parenchìmi aerìfari, che i parmete al rizo de vìvar in anbiente acuàtego. El fusto (dito culmo) el prezenta intergropi cavi e gropi pieni e el se sviłupa in manjiera simiłara al formento.

Ła ga foje de color verdo ciaro, a forma de guàina, longhe racuanti sentìmetri e larghe do, co pełi bianchi, curti e spesi; ła ligula ła ze longa e ghe ze aurégołe pełoze.

A l'àpeze del steło el ga na panòcia (infioresensa a panìgolo) termenałe, a madurità pendente, costituia da spighete uniflore co fiori ermafrodii a sie stami e un pistiło; l'ovaja ła detien solché on òvuło. El fruto el ze na cariòside ełìtega o sfèrega co glume tanto svilupae, ła cariòside ła ze vestia (rizon), pezo 25–45 mg.

• 
  Sesion trasversale del fusto de ła pianta al microscopio
• 
  Fiore vardà co microscopia a fluoresensa
• 
  Pòłine del rizo al microscopio
• 
  Pianta de rizo in madurasion
• 
  Samesete de rizo inte ła pianta
• 
  Oryza sativa
• 
  Sameseta de rizo

Parti de na spiga de rizo. 1-spigheta, 2-ramafegasion secondària, 3-ramafegasion primària, 4-pedùncoło, 5-ràchide, 6-Neck of the panicle (EN)??.

Tasonomia

Sotospece

Samesete de łe sotospece indica e japonica in confronto

Ghe ze trè sotopece:

• ssp. indica, tìpega dei climi tropegałi, alto valor de marcào, cariòside longa e sótiłe, produtività mèdia e cultivada in India, Cina meridionale, Fiłipine, USA meridionale, Itàlia, Braziłe;
• ssp. japonica, tìpega dei climi tenperai, alta produsion, cariòside curta e tondada, baso vałore de marcà, cultivada in Japon, Corea, Cina setentrionale, USA, Ezito, Itàlia;
• ssp. javanica, di minore importanza.

Da łe difarenti sotospece łe deriva le varietà (ez. Arbòrio, Carnaroli, Originario, ecc.) difondeste par difarenti dòpari .

Dòpari

El rizo el ze cultivà prinsipalmente par dòparo ałimentar.

Altri dòpari del rizo i ze:

• produsion del sakè, na bevida alcòłega otegnesta da ła so fermentasion
• produsion de farina de rizo par uzo zootècnego
• dòparo de łe roture de rizo inte ła produsion de ła bira
• produsion de l'àmido.

Aversità

Il ponteroło del rizo (Lissorhoptrus oryzophilus) el ze on inseto che el magna ła pianta del rizo sia inte łe foje che inte łe raize.

• 
  Foja de rizo infetada da Entyloma oryzae
• 
  Efeti del nemàtode Aphelenchoides besseyi
• 
  Magnaporthe oryzae
• 
  Cochliobolus miyabeanus
• 
  Burkholderia glumae
• 
  Ustilaginoidea virens
• 
  Sarocladium oryzae

Varda anca

• Rixo de Grumoło de łe Badese

Altri projeti

Altri progetti

• Wikimedia Commons
• Wikispecies

• Wikimedia Commons el detien imàjini o altri file so Oryza sativa
• Wikispecies el detien informasion so Oryza sativa
• el detien schemi gràfeghi so

Linganbi foresti

• (EN) riceEnçiclopedia Britannica, Encyclopædia Britannica, Inc.

Controło de autorità	NDL (EN, JA) 00564118