Rover (astronàutega)

El rover el ze un veìcuło doparà par el trasporto su un corpo cełeste. El rover el vien portà su un pianeta o su un satèłite naturałe dal lander.

Schema de ła mision Lunochod.
Rover lunare de ła mision Apollo 15 (NASA).
Inte l'imàzene, inte ła drita el rover marzian Spirit, inte ła sanca Sojourner de ła mision Mars Pathfinder (NASA).

IstòriaCànbia

I primi rover de ła istòria i zera stai lozegamente cuełi destinai a l'esplorasion lunare. Inte el 17 de novenbre 1970, trasportà da ła sonda Luna 17, el ghea ałunà el primo rover, el Lunochod de fabregasion soviètega. Le prime mision Apollo aterae su ła Luna de fato no i desponiva de nisun rover. El primo el zera rivà co ła mision Apollo 15, inte el 31 de lujo del 1971, e de sevente i ghene ghea portà uno anca łe mision Apollo 16 e 17. In tuto, i astronàuti i ze stai boni de percórar ben 90 km su ła superfise lunare. La vełosità màsima de sti rover ła zera de sirca 13 km/h.

Anca Marte el ze sta vizità da tanti rover: el Prop-M Rover soviètego, trasportà dal lander Mars 3, el cuało tutavia no el ga mai oparà in cuanto el se ghea danejà inte l'aterajo, el Sojourner, trasportà dal lander Mars Pathfinder, Spirit, Opportunity, Curiosity e Perseverance.

CaraterìstegheCànbia

I rover i vien projetai par èsar boni de móvarse su tereni contorzesti e par sorpasar grandi ostàcułi: par sta motivasion i ga pì rode de un normałe veìcuło. I ze de sòłito provedesti de grandi panełi sołari par l'ałimentasion ełètrega.

I rover che i atera su corpi cełesti destanti da ła Tera no i połe vegner controłai da destansa in tenpo reałe perché ła vełosità de propagasion de łe onde ràdio ła ze inferiora de cueła dimandada par łe comunegasion in tenpo reałe: de consevensa sti rover i ga da poder oparar in magnera autònoma co poca asistensa da ła Tera. (es: Marte el ze distante da ła Tera intrà i 100 e 56 miliuni de chiłòmetri, i segnałi ràdio i viaja inte el spàsio verto a ła vełosità de  m/s; co un ràpido càlcuło i ghe vuria intrà i 5,5 e 3,1 minuti par far rivar un segnałe su Marte: no el ze pusìbiłe comandare un rover in tenpo reałe).

I ùgnołi rover che l'omo el ga controłà in magnera direta (cofà un'automòbiłe) i ze stai i modełi de tipo lunare.

NotasionCànbia

Altri projetiCànbia

Linganbi forestiCànbia


Controło de autoritàGND (DE7743594-1
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Rover_(astronàutega)&oldid=1081540"