Rugby a 13

El rugby a 13 (o rugby league) el ze ła seconda pì granda disiplina del rugby.

El ze nato a ła fin de’l XIX sècoło inte el nord de l'Inghiltera, par rajon socio-econòmeghe, e uncò el ze difondesto in Inghiltera, in Austrałia e in serte parte de ła Nova Zełanda.

Storia

El ponto de partensa el ze stà ła formasion de łe scuadre, parché A ghe jera łe scuadre setentrionałi formade da zugadori prinsipalmente operài o minadori, invese inte łe scuadre de’l meridione A ghe jera zente co schei. Par 'sto motivo cuà, i club de’l nord no i riusìa mìa a formare scuadre conpetidive, parché i zugadori no i podeva mìa no ndare a łaoro e A no ghe jera renborsi speze o altri conpensi.

A l'inisio anca el rugby league el gaveva cuìndaze zugadori e règołe simiłari al rugby a 15, ma inte’l 1907 el se ga reformà.

Al dì de uncò el ze uno de i sport de scuadra pì difondesto inte ła Inghiltera de’l nord, in Austrałia (difondéstose inte i primi ani del Novesento inte i Stati de’l Novo Gałes de’l Sud e de’l Queensland e inte’l Teritorio de ła Capitałe Austrałiana), in racuante sità de’l nord de ła Nova Zełanda, in Papua Nova Guinèa e inte el sud de ła Fransa (inte i ani Trenta del Novesento, parché el rugby union el jera stà espulso da’l tornèo de łe Sincue Nasion, cusita serti zugadori de łe scuadre de’l rugby a cuìndaze i se ga spostà inte sta disiplina).

Inte l’Inghiltera, cuando che racuanti zugadori i deside de canbiar sport da rugby union a rugby league, A se dòpara l’espresìon to go North.