Sèłuła staminałe
Le sèłułe staminałi, sèłułe mari o sèłułe stamenałi łe ze sèłułe primitive, no speciałizae, dotae de ła capasità de trasformarse in vari altri tipi de sèłułe del corpo traerso de un procedimento denomenà defarensiamento sełułare[1][2]. I ze ojeto de stùdio da parte dei sercadori par curare determenae małatie, sfrutando ła so dutiłità. Le sèłułe stamenałi o sèłułe mari łe połe vegner prełevae da vàrie fonti cofà el cordon onbełicałe, el saco amniòtego, el sàngue, ła meoła òsea, ła placenta, i tesuti adipozi, ła polpa dentałe.
Caraterìsteghe de distinsion
canbiaPar poder èsar definia cofà stamenałe, na sèłuła ła ga da satisfar du propietà: l'autorenovamento e ła pluripotensa.
- L'autorenovamento el ze sta identifegà par ła prima volta inte el 1963 inte el ndar de studi so ła meoła òsea[3], e el raprezenta l'èsar bon de ste sèłułe de conpir un nùmaro iłimità de sicli repliegativi mantegnindo senpre el medèzemo stàdio defarensiativo.[4][5]
- La pluripotensa el ze l'èsar bon de orizenar a una o pì linee o tipi sełułari mediante del defarensiamento.[6]
La potensa defarensiativa
canbiaLe sèłułe stamenałi łe gnen clasifegae in baze a ła so potensa, ła potensiałità de defarensiarse inte i vari tipi o linee sełułari.
- Totipotensa: l'èsar bon de na sìnguła sèłuła de divìdarse e prodùzar tute łe sèłułe defarensiae inte un organizmo, conprendesti i tesuti extraenbrionałi[7]
- Pluripotensa: l'èsar bon de na sìnguła sèłuła de divìdarse e de defarensiarse inte un calsìase dei tre strati zermenałi.
- Multipotensa: el potensiałe de defarensiarse inte un nùmaro limità de lignaji sełułari; łe vien anca dizeste «sèłułe prozenidore».
- Ołigopotensa: l'èsar bon de defarensiarse solché in racuanti tipi de sèłułe.
- Unipotensa: l'èsar bon de defarensiarse inte un sìnguło tipo de sèłuła; łe vien anca dizeste «sèłułe precursore».
Notasion
canbia- ↑ Scott F. Gilbert, Biologia dello sviluppo, Zanichelli, 2005(3 ed.), ISBN 88-08-07275-4.
- ↑ (EN) IUPAC Gold Book, "stem cell" Archivià l'8 agosto 2014 Data inte l'URL no conbazante: 8 de agosto 2014 in Internet Archive.
- ↑ A.J. Becker, L. Siminovitch
- ↑ Becker, A.J., McCulloch, E.A., Till, J.E., Cytological demonstration of the clonal nature of spleen colonies derived from transplanted mouse marrow cells, in Nature, nº 197, 1963, pp. 452-4.
- ↑ Siminovitch, L., McCulloch, E.A., Till, J.E., The distribution of colony-forming cells among spleen colonies, in Journal of Cellular and Comparative Physiology, nº 62, 1963, pp. 327-36.
- ↑ Hans R. Schöler, The Potential of Stem Cells: An Inventory, in Nikolaus Knoepffler, Dagmar Schipanski, and Stefan Lorenz Sorgner (curà da), Human biotechnology as Social Challenge, Ashgate Publishing, Ltd, 2007, pp. 28, ISBN 978-0-7546-5755-2.
- ↑ Regenerative Medicine Glossary, in Regenerative Medicine, vol. 4, 4s, luglio 2009, pp. S30 Section 3.44, DOI:10.2217/rme.09.s1, PMID 19604041.
Altri projeti
canbia
Wikimedia Commons el detien imàjini o altri file so Sèłuła staminałe
el detien schemi gràfeghi so
Linganbi foresti
canbia- Staminali, cellule, in Ençiclopedia Italiana, VII Appendice, Istituto de ła Ençiclopedia Italiana, 2007.
- (EN) Jonathan M.W. Slack, stem cellEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85127923 · GND (DE) 4665329-6 · BNF (FR) cb11964831j (data) · NDL (EN, JA) 01143628 |
|---|