S-cèto ła xe na paroła veneta che in itałian vorìa dir "puro, schietto, vero, pulito". Quando che uno el parla in veneto streto, sensa parołe itałiane, se dixe che el parla veneto s-cèto. Ła paroła ła vien doparà anca par descrìvar el vin: un vin s-cèto l'è un vin sincero, che faga un çerto grado.

In triestin ghe xe diferensa tra parlar negron, s'ceto e slavazà. El triestin negron xe stà la prima parlada che se ga reso autonoma del tergestin. E questo xe capità ai tempi de la grande imperatrice Maria Teresa, che ga fato svilupar el porto de Trieste. Xe rivài de Venesia i siori, ma anca i omini. E quei i parlava negron. Po' el dialeto se ga evoludo, misiandose con parole gnoche e slave e pian pian se ga formà el dialeto s'cieto. A la fin la zente ghe pareva de eser masa ordinaria e alora la ga scominzià a misiar parole taliane triestinizade. Ma sempre talian iera. Sto misioto de talian e triestin se ciama dialeto slavazà.

Po' xe 'ssai de rider, 'diritura de pisarse 'ndoso, co se senti zente 'gnorante che talianiza parole triestine; ghe par a lori de eser più finoti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=S-ceto&oldid=1063014"