San Antonio Spurs

I San Antonio Spurs i ze una de łe trenta scuadre de basket che łe zoga inte ła NBA, co sede a San Antonio in Texas; el só canpo de gara el ze el AT&T Center.

San Antonio Spurs

Dati
Sorte	scuadra de bałacanestro
Creasion	1967
Atività
Spor	Bałacanestro
Liga	NBA
Stàdio	Frost Bank Center (it) : San Antonio (Texas) (2002–). 18 581
Governo d'impresa
Ałenador	Gregg Popovich (it)
Propietàrio	Peter Holt (it)
Parte de	NBA Southwest Division (it)
Sito web	nba.com…
Pozision

I Spurs i jera uno de i minbri che i ga fondà ła American Basketball Association, e da cuando che i ze rivài inte ła NBA i ze deventài una tra łe scuadre pì inportanti, gavendo vinto sincue canpionadi, tanto che el só vałor econòmego el ze de sirca 1,150 miłiardi de dòłari.

Cueło che A ze inportante marcar de sta scuadra ła ze ła fiłozofìa, ła mentałità, l’aprocio a’l zogo e a’l stiłe de vita che’l ze cuazi na marca de fàbrega apresà asé.

Storia de ła scuadra

Nasùa inte el 1967 col nome de Dallas Chaparrals, inte el 1973 i se ga spostà a San Antonio in Texas e al primo ano de NBA i se ga conportà ben, vinsendo bełe partìe. L'ano dopo i ze anca rivài primi inte ła só devizion, grasie a George Gervin, Johnny Moore e Larry Kenon; dopo na serie de alti e basi inte i ani Otanta, A ze inisià l'era de David Robinson come zogador sìnboło: in pochi ani Robinson el ga vinto racuanti premi parsonałi, jutando i Spurs a farse nome insieme a i vari Avery Johnson, Dennis Rodman e altri. Inte el 1997 A ze rivà Tim Duncan come ała granda e Gregg Popovich come ałenador, e A se ga formà un grupo tanto forte che el łi ga portài a vìnsar el só primo canpionado. A ze rivà dopo Emanuel "Manu" Ginobili, Bruce Bower e Tony Parker, tuti zogadori che i ga fato ła storia resente de ła scuadra portando tante vitorie e fazendo deventar i Spurs una de łe scuadre pì forti de tuta ła NBA tanto che anca deso i ze in łota par vìnsar.

Tim Duncan el se ga retirà l'ano scorso 2021, ma A ghe ze novi zogadori (sora de tuti Kawhi Leonard) che i ze drio venjer sù ben e che i ze drio refondar un sòcoło duro de cuałità.