Bovo (Noyers-sur-Jabron, 940 circa – Voghera, 22 de majo 986) xe stà un santo fransexe, venerà dała Cexa catołega. Secondo 'na vecia biografia in parte legendaria, el saria fioło de Adelfrido e Odelinda, nobiłi provensałi. El se ga distinto 'nte on mucio de bataje, in particołare contro i Mori che a ł'epoca i faxeva on mucio de incursion 'nte ła Fransa de soto.

San Bovo
Pezzolo Valle Uzzone. Gorrino.Piovero - Cappella di San Rocco La Vergine San Rocco e San Martino.jpg
Nasesto940
Moresto22 de majo 986
Ricorensa22 de majo

Sucesivamente el ga canbià vita, dedicandose ała meditasion, ała penitensa e ai pełegrinagi. El ga perdonà quei che ga copà so fradeo e el ga avudo fama de guaritor. Durante uno dei so pełegrinagi verso Roma, el se ga małà e el xe morto a Voghera, sità dove che adeso el xe patrono, el 22 de majo 986.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=San_Bovo&oldid=649465"