Scheduler

El scheduler (da l'inglese to schedule leteralmente "metare in lista", o sia "pianifegare", in veneto pianifegadore o jestore de proçesi), in informadega, l'è on conponente de on sistema operadivo o sia on programa che buta drento on algoritmo de scheduling (in Veneto algoritmo di pianifegasion) che co on insieme de richieste de entrada a na rixorsa (tipicamente l'accesso al proçesadore da parte di un proceso da eseguire), el stabiłise on ordinamento tenporałe par l'execusion de ste richieste, dandoghe priorità a chełe che łe rispeta determinai parametri segondo na serta pułitega de scheduling, in manjiera da otimixar l'entrada a sta rixorsa, faxendo in manjiera che el servisio vosuo o pì senpliçemente l'istrusion dàda, ła riesa.

L'atension dàda a alguni parametri pì tosto che altri, difarensia ła cusì ciamada pułitega de scheduling drento a ła jestion dei proçesi dandoghe vita a coe di priorità: par exenpio el scheduler el połe exeguir łe domande in baxe al ordine che łe riva (FIFO), o se no darghe preçedensa a chełe che łe dopara par manco tenpo ła rixorsa (SNPF); parò połe existare anca pułiteghe che łe se baxa so prinçipi statisteghi par ordinar łe richieste in manjiera da otegner on rixultà otimałe.