Al sciùs o anca sciòs 'l é an molusco gasteropode terestre ke 'l se porta drio la conchiglia come caséta par difénderse da pericoli. No se deve confonder con lo slecànč o la liméga ke 'l è de la stesa fameia, ma queste no le ha la conchiglia.

Sciùs
Snail-WA edit02.jpg
Clasefegasion sientìfega
dominioEukaryota
phylumMollusca
classeGastropoda
ordineStylommatophora
Nomi comuni
lumaca (improprio ma diffuso)
Soto-divixion
* Achatinidae

L' é de color griso o tira drìo al maròn, le lonc 6–8 cm; al a doi cornét su la testa dove ke 'l a i oči e altre doi tentacòi par sentìr dove ke i và; tra sti doi tentacoli se trova la boca co 'na speče de lengua piena de dent.

Esiste anca la variante de la scioséla ke ghe someia inte la forma, ma la é pì pičenina, de color pì čaro, bianc quasi trasparént e co la caséta de 'n bel color giàl contornà de nero.

Dove se 'l càtaModìfega

Te i pol véderli de matina o ala sera, dopo 'na piova ke i vien fòra da sot le žiése o inte i prà, parké lori i a bisonċ de terén umido e no i vive tant col sek e no i pol star tant tenp sot al sol. Spés te l cata 'nte l'ort, parké i va in žerca de mañàr. Sti quà i é manco voraci dei so "fradéi" slecànč, ma i pol far dani anca questi. Co i se move, pian pianét (circa 6/8 metri a l'ora), i lasa drio de lori na strìka de sbausa color bianc ke col sol la slùsega, basta seguir la tracia e te i cata.

Co 'l é inverno al se sconde e 'l se ritira dentro la so caséta e al forma an vero e proprio portòn dur, čamà "kàpa" par seràrse dentro spetando la bona stajòn.

Altri nomiModìfega

  • Venesia: bòvoło, s·cióxo/s·ciuxi
  • Verona: bogòn
  • Vicensa: corgnòlo, s·cióxo/s·ciuxi
  • Padoa: capàro, s·cióxo/s·ciuxi
  • alt Trevixàn: sčiós, , s·cióxo/s·ciuxi
 
Sciùs
 
Scioséla
Controło de autoritàNDL (ENJA00565157