Sołer
In ediliẑia se costuma ciamar co el nome de soler o solaro na ciusura orizontal in legn in grado de trasferir i sforẑ (pi che sia quei verticai) a altre struture.
Evolusion tecnologica
canbiaLa tecnica de far soler la ze nassesta co el bisogn de er case su pi livei, o abitaẑion aonde che el pian de balegament al sie pi alt del teren (p.e. le palafite o tute le case fate aonde che era necesario destacarse da tera).
Strutura del soler
canbiaAn soler al ze fat na na orditura de trau de legn che traversa in pian an locale inte la direẑion aonde che i mur i ze pì vesini tra de lori, in maniera da calar al momento fletente. Sora a sti qua che gnen pojà o inciodà le tole, che le pol costituir diretamente al siolo, o senò le pol esser quatade da an nantro paviment de legn o da na caldana de ciment par far passar i inpianti , che eventualmente la pol esser fenida co piastrele. Se la canpada da querder la ze longa assei e la stanẑa la ze retangolar, se pol costituir an suporto in pì par i trau dividendo la canpada pi longa co una o pi piane (trau grossi metesti in pian). Par evitar che co el peso al soler al fae panẑa qulche olta se ghe el fa an sciant pi alt a medo. Se un no el ol veder i trau te el sofito al pol senper quatarlo co panei de cartongess o inciodarghe listei e smaltar. Par far in modo che no se inmarẑisse i trau se i mete incassadi te el mur assandoghe an strato de aria o senò se i taca esterni montadi su un portante de piera o de aciaio che vanẑa fora dal mur. Par far an soler va benon doperar legn de laress, roro o castegner. La moderna tecnologia la mete a disposiẑion legn tratadi par resister al umido e al carol e i i trau lamelari che i dà la possibilità de far canpade pì longhe e i ga manco difet del legn natural.
I soler i ga al difet che i porta via tanto spessor. Par sto motivo de solito al isteso scopo se fa le solete.