Difarense intrà łe version de "Aparato sircolatorio"

Ghe xe vossudi un bel fià de sèculi par rivare al modelo de ancó de la circolasion sanguigna, el resultà xe tribuio a [[William Harvey]] co la so publicasion ''De motu cordis'' in tel [[1628]]. El core el funsiona come na [[ponpa]] mecànega che la buta vanti un flusso continuo de sangue in te i vasi, che i xe come [[tubo|tubi]]. Sti qua i parte dal sistema alterioso che'l el ramìfega manman fin ai capilari, queli de diàmetro menor e parede streta bona par i scanbi de sostanse coi tessudi; a la fin i converze a formare el sistema venoso che'l el porta indrio el sangue al core. La circolasion che la gira da e in diresion del core la resulta organizada in do seturi che i funsiona come sircùiti desposti in serie:

* la '''pìcola circolassion''' o '''circolasion polmonare''' in partensa dal ventrìcolo de drita e in ritorno al'atrio de sanca, la porta el sangue venoso (pòaro de ossìgeno e rico de [[anidride carbònica]]), traverso le rame del'[[alteria polmonare]], ai alvèoli polmonari, dove che'l el sangue poe far scanbio de gas col'aria che cata; da qui torna, traverso le [[vene polmonari]], come sangue alterioso de novo al core par tornare in circolasion sistèmica.

* La ''[[presion sanguigna]]'' xe fondamentale parché el so gradiente longo tuto el torente sircolatorio xe quelo che'l el move el sangue: sarà più alta a livelo dei cai alteriosi de la circolasion e più bassa ai cai venosi, se no'l fusse cussì el sangue tornaria indrio par st'altro verso. Se vien a creare un distreto del'intiero aparato dito ''sistema a alta pression'' (le alterie de la circolasion sistèmica), che'l el ga la funsion de ''propulsion'', dove sto paràmetro el ga provisorie variasion in funsion de la fase del ciclo cardìaco, alternàndose fraintrà i normali 120 e 80 mmHg de la presion sistòlica (la màssima) e diastòlica (la mìnima). La ''[[volemia]]'' xe determinante, insieme al'atività de contrasion del core, la presion che se cata in te i distreti del'aparato. Gran parte del volume emàtico se cata in tel ''sistema a bassa pression'' (tuto el resto, capilari e vene sistèmissi e l'intiero sìrcolo polmonare) che'l el ga funsion de ''magazin'' de sangue da butare in giro in caso de bisogno. La presion venosa sentrale la xe assè più bassa de quela alteriosa sistèmica (no la gavaria da ndare sora dei 8 mmHg), in tel sìrcolo polmonare la presion alteriosa la xe de 25/10 mmHg.

* La ''[[gitada cardìaca]]'' xe el flusso (volume/tenpo) butà fora dai ventrìcoli, deverso a seconda de la persona e de l'atività che la xe drio fare, ma gualiva a livelo dei do versanti sistèmico e polmonare. I do ventrìcoli i buta fora la stessa quantità de sangue al menudo, anca se i elo fa a presion deverse. La gitada cardìaca la xe el prodoto de frequensa cardìaca par gitada sistòlica, paràmetro che'l el depende da ritorno venoso al ventrìcolo e forsa de contrassion.

Par mantegnere n'aporto de sangue bastante e adatà a le necessità del momento, i tessudi i risseve na quantità de sangue regolada da molti mecanismi. FraIntrà sti qua ghe xe adatamenti logali de autoregolasion (a livelo de core, servelo e [[rene]] soratuto, ma anca a livelo dei mùscoli) e mecanismi generali mediai dal [[sistema nervoso vegetativo]] (al breve perìodo) e dal [[sistema endòcrino]] (al longo perìodo).