Difarense intrà łe version de "Fien"

Anca serti animai mesteghi cei come [[conéjo|conici]] e [[roditori]] i pol magnar fjen. In particolar par i conici la alimentaion pì justa la èze a base de fjen, sensa cereai, pan, mangime o altro. Al fjen par i conici al representa al alimento principal, inportante anca par la salute dei dent fruandoli prim che i gnene grandi assei da dar problemi. I [[mas-cio|porsei]] invese i àga problemi a digerir al fjen, a pì che no se ghe el dae dopo erlo assà qualche dì a maserar 'te l'aqua.

* '''fen''' se al èze al primo tai

* '''dorch''' o '''ardiva''' se al èze al secondo tai

* '''tersanin''' se al èze al terso tai

La dorch de solito la èze fata da [[Trifolium|strafoi]], [[pjantan]], [[erba spiga]] de dimension ridote, [[spagna (erba)|spagna]], [[ladino(erba)|ladino]], masacaval. Se al teren al èze umido se pol catar anca fenocere.

Al tersanin al àga entro pjantan e altre erbe de dimension ridote.

Al èze inportante sotolinear che al fjen fat a man al àga entro anca na gran quantità de [[siess]], che le costituiss an alimento conpleto e concentrà par le bestie che le lo magna. Al fjen fat co i machinari par quant al gnen sbatest co forsa, sichè al pers la gran part de le siess co un conseguente pejorament de la qualità, sichè se rende necessario integrar la dieta de le vache co na part de [[mangime]].

La produsion del fjen la àga inisio dal segar l'erba. Sta operasion la gnen fata a partir da [[San Vetor]], endo cura che al pra al scominsie a ciapar an color gialin-rossastro e che le spighe de la erba spiga le scominsie a piegarse do, segn che la siess la èze madura.

Sta operasion na olta la gnea fata co la fals, ma te i ultimi 100 ani al progresso al àga portà prim a le [[bara falciante|bare falcianti]] tirade da i cavai, po' a le [[machina da segar|machine da segar]] e a la fin a le bare falcianti e a le [[bara rotante|bare rotanti]] da tacar te el [[trator]].

Na olta segada, l'erba la gnen secada al sol. Parchè la se seche in maniera uniforme ogni tant la gnen oltada sot sora co la forca, o la gnen sghirlada co el [[girel]]. Se al loch laorà al èze particolarmente umido, par poderla secar se la pica su struture particolari ciamade [[rastreliera|rastreliere]].

Se al fjen al èze sech, ma no assei da gner cargà, al èze inportante star atenti che no el se bagne. Te el caso che gnene ignans an tenporal, se pol salvarlo a farlo sù come [[marus]].

Na olta che al èze pronto se el fa in [[rela]], de solito doperando mezi mecanizadi come al [[restelon]].

Al èze inportante che al fjen sech al stae senpre al sut. Durante la conservasion par de pì al subiss dei processi de fermentasion che al èze inportante che i sie ben ariedadi parchè le alte tenperature se gnen a generarse le podaree anca esser pericolose in fato de incendio.

Al deposito del fjen al se ciama [[fjenil]] e de solito al èze sora a un [[staol]], ma te le aziende moderne al tende a deventar an edificio par conto soo. te i pra magri de montagna al fjen al gnea cenest anca entro te i [[barco|barch]].

An nantra solusion par inmagazinar al fjen quando che no se àga posto a quert la èze quela de far sù le '''mede'''. Se trata in poche parole de moje fate sù coniche dintorn de un pal inpjantà 'te el teren. An palco al evita che al fjen al reste a direto contato co la tera.