El '''Vèneto pavan''' el xe stà el diałeto de ła łéngoa Vèneta pì parlà fìn a ła fin del [[XIX secoło]]. El tołe el só nome dal contado de ła sità de [[Pàdova|Padoa]], apunto ciamà "Pava" na òlta, ma el gièra difuxodifondesto da i confini de ła łaguna al [[Połéxine]], el baso vixentin, l'alto vixentin tra ła sità e [[Basan]] e tuta ła basa veronexe. El xe stà łéngoa łetarària in contrapoxision al [[Diałeto vèneto łagunar|Venexiàn]], e el xe stà scrivesto da autori pì o manco famoxi tipo el [[Ruzante]], Nicolò de' Rossi e Marsilio da Carrara intrà el [[1300]] e el [[1600]], e el xe stà po' ciapà in man danovo da [[Domenico Pittarini]], c'a el ga sièlto de scrìvar nte ła łéngoa ca el sentiva dir da i contaìni de łe só parti par łe só comedie de teatro dei ani '60 e '70 de l'òtosénto. Al dì de oncó no el se sente dir altro, sa no al masimo da calche contaìn vecio nte ła vèrta canpagna, spece tra Pàdoa e Vicensa.
Rancune de łe caraterìsteghe prinsipałi del pavan łe gièra:
