|
== Imperi ==
L’impero del Ghana (che nol va scanbià co la naxion moderna, e che el gavea la so rocaforte a caval de [[Mauritania]] e [[Małì|Mali]]) el estendea el so control fin a la Guinea de ancò. CO l’impero del Ghana el scsominsià la so parabola disendente, el regno del Sosso el ghaga preso el soravento (secoli XII e XIII). En tel 1235 sirca, el regno de Sosso el ghaga dovù lasar el controlo de l’area a l’impero del Mali che el xera in cresita. La data del 1235 la corisponde a quela de la bataja de Kirina do el re Soundiata Kéïta el ghaga batù Soumangourou Kanté, re del Sosso. La data la xe incerta e no ghe documenti che atesta sertamente nianca el nome de i re coinvolti.
Dopo l’impero del Mali la xe sta la olta del impero del Songhai che el ghaga continuà a cresr fin a la morte de l’imperatore Askia Daoud in tel 1582. Tri ani dopo, i Almoravidi del [[Maroco]] i ghaga vinto la bataja de Tondibi, ma i no xe stà boni de capitalizar su la vitoria. Grupi de etnia fulani i xe alora entrà in te le rejoni sentrali (Fouta Djallon) de la Guinea e i ghaga fondà no Stato islamico co na Costitusion scrita chel xe ndà vanti fin al 1898.
== Colonialismo ==
I francexi i volea torse el control de la Guinea e i ghaga scominsià la penetrasion militare ne la seconda metà del XIX secolo. La vitoria finale la xe rivà co la sconfita de Samory Touré, el re de i Ouassoulou, on regno Malinké che el controlava parte de la Guinea e de i Stati confinanti. I confini atuali i xe quei decisi da inglexi, portoghexi, francexi e da la [[Liberia]].
En tel 1958 la Fransa la xera in cris politega e la ghaga dà a le colonie la posibilità de seliar se rimanere in te la comunità francexe o verghe l’indipendenza. La Guinea, soto la guida de Ahmed Sékou Touré, la ghaga volù l’indipendensa subito. El 2 otobre 1958, la Guinea la diventava indipendente, Ahmed Sékou Touré el xera el primo presidente.
I francexi i ghaga lasà el paexe quasi subito e Touré el se sa alineà a isovietici, prima, e co i cinexi, dopo. La Guinea, però, no la ghaga tajà i so legami co l’ocidente e con la Fransa in particolare.
[[Imàjine:22novemberdetail.JPG|thumb|left|250px|Monumento a la vitoria contro l’invasion de i mercenari in tel 1970.]]
En tel 1970, mercenari e ribeli guineani i ghaga atacà el paexe co el sostegno del Portogalo. I portoghexi volea canbiar el governo de la Guinea parché el sostegnea i conbatenti de la [[Guinea-Bissau|Guinea Bissau]]. Dopo na setimana de bataje, l’esercito guineano el xe stà bon de parar fora i mercenari.
Touré el ghaga trasformà la repùblega in uno Stato a partito unico, che el xe presto diventà na ditatura co poca toleransa par i diriti umani. Pi d eun milion de guineani i xe scanpà a l’estero. Touré el xe diventà paranoico e el ghaga scominsià a verghe problemi anca co i Stati africani confinanti. El paexe el se sa ixolà e l’economia la xe ndà a remengo.
Turé el xe morto el 26 marso 1984 e el so posto el xe stà tolto dal primo ministro Louis Lansana Beavogui. Dopo nianca on mexe, Lansana Conté e Diarra Traoré i ghaga fato on colpo de Stato. Conté el xe diventò presidente e Traoré primo ministro. Conté el ghaga fato libarar tuti i prigionieri politeghi e ciamà i guineani a l’estero parché i tornase a casa.
En tel 1992, Conté el ghaga verto la strada al multipartitismo e e ritorno al governo sivile. Conté el xe stà rieleto presidente in tel 1997. El ghaga anca canbià la Costitusion par esar rieleto la terza olta a la fin del 2002.
Ne i ultimi ani, el governo el ghaga dovù far i conti co sioperi de masa, manifestasion e resistenza sivile. Conté ghaga dovù acetar de nominar on primo ministro che laorase co i sindacati par democratizar el paexe. Però el ghaga nominá el so amigo personale Eugene Camara. Dopo altri sioperi e soto la presion internasional, Conté ghaga nominá Lansana Kouyaté, ex anbasador e democratico, nel febraro 2007. El paexe el xe tra i pi poveri de l’Africa, anca se el ghaga grose riserve de risorse naturali.
{{Storia stati de l'Africa}}
| 