|
== Regni Bantu ==
Dal VI secolo d.C. se ghaga svilupà na serie de regni. Ntorno al Lago Ciad ghera la siviltà Sao, on grupo de zente che vegnea da est, forse de origine [[Storia de l'Egito|hyksos]]. El xe poi stà el tempo de il regno del Kanem-Bornu. En tel ovest del paexe ghera i regni de Bamileke, Bamum e Tikar. Su i monti Mandara se catava el regno Mandara (XVI secolo). Ancò se pol oservar le forteze Mandara, fortificasioni de cui non se sa ben l’uso.
En tel 1492 i portoghexi i xe rivà su le coste del Camerun. I portoghexi i ghaga ciamà el fiume Wouri ''Rio dos Camarões'', fiume de i gambari. Da qi el xe derivà el nome del paese. I portoghexi i no xe sta mia boni de colonixar el paexe anca parché la malaria la xera tropo forte par lori.
Tra i secoli XVII e XVIII i fulani, popolo di religione islamica, i ghaga invaso el Camerun sotometendo o parando via tuti i grupi non-islamici. I fulani del Camerun i xera vasali del califo de Sokoto (Nigeria).
== Colonialismo ==
[[Imàjine:Cameroon boundary changes.PNG|thumb|450px|Canbiamenti de i confini del Camerun. Da destra a sinistra, da su a zo: a) colonia todesca b) invasione inglexe c) divizion anglo-francexe d) indipendensa]]
Co la scoperta del chinino, i eoropei i podea vivar in Africa, anche ne le xone do la malaria la xera pi forte. I todeschi i ghaga scominsià la colonizasion del Camerun in tel 1870. I xe riusidi a controlar tuto el teritorio, e i ghaga meso la cavedal a Buea, prima, e a Yaoundé, dopo.
I todeschi i ghaga svilupà le infrastruture co la costrusion de la ferovia, ponti su i fiumi, ospedali e scole. Importante el ospedal de Douala, specialisà in malatie tropicali. I todeschi i xe stà i primim a catar el bacilo che causava el colera e l’ospedal de Douala el xera conosù come uno de i mejori.
[[Imàjine:German Atangana.jpg|thumb|left|350px|Un sentro todesco in Camerun]]
Come par le altre colonie todesche, la prima guera mondiale la ghaga portà la fine de la presensa teutonica. I inglexi i ghaga invaso el Camerun in tel 1914 da la Nigeria. I francexi i ghaga incorporà el teritorio a sud. I francexi i ghaga continuà la pułìtega de svilupo de i todeschi, inglexi i ghaga lasà el controlo de le piantagioni a i aministratori privati todeschi.
A la fine de la seconda guera mondiale, i camerunexi i ghaga scominsià a far conosar el desiderio de l’indipendensa e vari inteletuali i ghaga dato vita a l’Union de i Popoli del Camerun.
== Indipendensa ==
[[Imàjine:DF-SC-83-08609.jpg|thumb|right|250px|Ahmadou Ahidjo, primo presidente del Camerun, in tel 1982]]
En tel 1955, i francexi i ghaga meso l’Union de i Popoli del Camerun al bando. I militanti i xe alora pasà a le armi. I guerilieri i xera sopratuto bamileke e bassa, do etnie importanti in tel paexe. En tel 1960, i francexi i ghaga proclamà la republica autonoma del Camerun. La parte in man a i inglexi la ghaga votà par restar co la Nigeria (nord) e par unirse al Camerun francexe (sud). En tel 1961, Ahmadou Ahidjo el xe stà eleto primo presidente de la federasion camerunexe. La guerilia la xe continuà parché i guerilieri i no volea riconosar el governo. Ahidjo el ghaga nominà el monopartitismo e cambià la federasion in republica co cavedal a Yaoundé.
Ahidjo el ghaga dato le dimisioni in tel 1982. Paul Biya el xe diventà el capo de governo co el titolo de primo ministro. Biya el xe oncora al potere dopo verghe vinto, co brogli, le elesioni in tel 1992, 1997, e 2004.
{{Storia stati de l'Africa}}
| 