|
[[Imàjine:Mozambique map cities.png|right|300px|Mapa del Mozanbico]]
Come par quasi tuti i paexi africani a sud del [[Sahara]], i primi abitanti del [[Mozanbico]] i xera [[bosìmani|boscimani]], molto probabilmente de lo steso grupo che ghe darà vita a i san. Le piture ruprestri che se cata su tanti monti del Mozanbico i xe na testimoniansa direta che i boscimani i vivea qi almanco 10.000 a.C.
I [[bantu]] i xe rivà in tel nord del Mozanbico traverso el Fiume Zamnbesi, za in tel VI secolo de la nostra era. I bantu i ghaga portà la metalurgia e l’agricoltura.
== Portoghexi ==
[[Imàjine:Mozambique n2.jpg|300px|left|Cexa de San Antonio su l’ìzoła de Mozanbico]]
I arabi i xe rivà su le coste del nord del Mozanbico in tel XI secolo. I ghaga costruio de i insediamenti e promoso la difusion de l’Islam. Le varie sità de [[cultura swahili]] le gavea i so sultani. Ancora ancò, al nord del Mozanbico la zente del nord la parla lengoe locali e na variante del [[łéngoa swahili|swahili]]. En nome steso del paexe el vien dal el nome de on sultan locale: ''Musa bin Bichi'' (o Bi’ki)
El primo eoropeo a rivar so le cost del Mozanbico in epoca moderna el xe stà Vasco da Gama in tel 1498. I portoghexi i ghaga costruio na serie d efortini longo la costa e meso la cavedal de la nova colonia a l’[[Ixola de Mozanbico]], a la boca de la baia de Mossuril, in fronte de la Cabeceira Grande. I portoghexi no ghaga mai tentà l’esplorasion de l’interno e anca i forti so la costa i no xera ben tegnui. En tel XIX secolo, spinti da le mose espansionistiche de i altri paexi eoropei, i portoghexi i ghaga deciso de sfrutar el interno de le so colonie. I ghaga diviso el teritorio del Mozanbico in ''prazos'', grandi propietà teriere date a i portoghexi che volea investir in Africa. I portoghexi i ghaga svilupà solo le infrastruture che servia a i coloni e i no ghaga dato inportansa a la popolasion locale.
== Indipendensa ==
[[Imàjine:Maputo05012005.jpg|thumb|right|250px|Sentro de Maputo]]
Co el resto de i paexi africani i rivava a l’idipendensa, el [[Portogało|Portogalo]] el no volea consedar l’autonomia a le so colonie. El ditator Antonio de Oliveira Salazar el sostegnea che i teritori de oltremare i xera parte de la nasion. I africani i no ghe credea, visto che el Portogalo el faxea poco par lo svilupo e l’educasion. En tute le colonie ([[Angoła|Angola]], [[Guinea-Bissau|Guinea Bissau]], Ixole de [[Capo Verde]], e Mozanbico) se sa formà de i partiti de oposision. En tel 1962, vari grupi mozanbicani i se sa riunio in tel Fronte par la Liberasion del Mozanbico (FRELIMO) e scominsià la guera de liberasion in tel 1964. En tel april 1974, el FRELIMO el xe riusì a ciapar la cavedal, [[Maputo]]. El paexe el xe diventà indipendente el 25 giunio 1975. I portoghexi i ghaga lasà el paexe, co no ghera personal local bon de mandar vanti tute le atività specializade. El FRELIMO el se sa alinea co la Rusia.
== Guera Sivile ==
La mancanza de svilupo, la povertà, e ragioni de pułìtega internasionale le ghaga portà el paexe a la guera sivile. En tel 1982, la RENAMO – on grupo anticomunista sostegnù da [[Sudàfrica|Sudafrica]], Rhodesia ([[Zinbàbue|Zinbabwe]] de ancò) e da i [[Stati Unii de ła Mèrica|Stati Unii]] – la ghaga scominsià na campagna de atachi violenti a scole, dispensari e vie de trasporto. En tel 1984, Mozanbico e Sudafrica i ghaga firma i acordi de Nkomati. El Mozanbico el se impegnava a parar fora i guerilieri de l’African National Congress (ANC) dal paexe, e el Sudafrica el gavaria smeso de darghe armi a la RENAMO. El Mozanbico el ghaga fato la so parte, ma el Sudafrica nol xe stà a i pati e el ghaga continuà a darghe armi a la RENAMO. En tel 1986, el presidente [[Samora Machel]] el xe morto in on incidente aereo, tanti i sospeta che el governo del Sudafrica el sia responsabile. Al so posto, Joaquim Chissano el xe diventà presidente.
En tel 1990, Chissano el ghaga scominsià el dialogo par rivar a la paxe co la RENAMO. EL dialogo el xe stà sostegnù da la Comunità de Sant’Egidio, on grupo catolico de Roma. El 4 otobre 1992, [[Joaquim Chissano]] e Alfonso Dhlakama – capo de la RENAMO – i ghaga firmà l’acordo de paxe a Roma.
== Democrazia ==
[[Imàjine:Guebuza2006.jpg|left|thumb|200px| Armando Emílio Guebuza, Presidente del Mozanbico]]
A le prime elesioni libare, in tel 1994, Chissano el ghaga vinto la magioria d ei voti, e Dhlakama el xe rivà secondo. En tel 1995, el Mozanbico el sa zontà al Commonwealth, unico paexe che nol xe mai stà parte del impero britanico. I rifugiati mozanbicani scapai a l’estero (2 milioni) o in altre aree del paexe (4 milioni) i xe tornà a casa par le fin del 1996.
Dopo le elesioni del 1999, la RENAMO la ghaga acusà el FRELIMO de verghe imbroià a le elesioni. En tel 2005, Chissano el se sa ritirà e ghaga dato via libara al novo presidente Armando Guebuza.
El paexe el xe generalmente tranquilo. La zente la laora e serca de svilupar le struture. Lo steso no se pol dir del governo. I gironalisti che i ghaga investigà l’uso de i soldi da parte de i pułìteghi pi grsoi i xe stà malmenà e anca copà (omicidio Cardoso). Ancò, el sud del paexe el xe sempre pi moderno e l’inglexe el xe sempre pi parlà. El nord el xe restà sotosvilupà e le infrastruture le xe inadeguate.
L’università statale la xe a Maputo, mentre che al nord ghe xe l’università catolegha. Tute e do ste realtà le xe al de soto de i bisogni del paexe.
| 