I kamba i xe ono de i popoli bantu che el xe rivà in Kenya durante le migrasioni del X secolo. I xe rivà ne la zona de [[Machakos]] in tel XVII secolo e i sa slargà in te la zona de Kitui in tel XVIII secolo. I sa anca mosi verso la costa a lo steso tempo dove i ghaga fondà i vilagi de Mtito Andei (foresta de i avoltoi) e Mariakani (la faretra). I no xe andà fin su la costa parché i ghaga fato guera co i maasai par el control de la zona de Voi e i xe stà blocà ne l’espansion a sud. I kamba i xe agricoltori ma i ghaga anca controlà el marcà co i arabi e i [[łéngoa swahili|swahili]]. Tute le piste carovaniere che rivava su la costa, le pasava dal teritorio kamba. I kamba i ghaga resistio la colonizasion, ma dopo i ghaga formà el groso de l’esercito. Co i inglexi sa tolto la tera e le vache, i kamba i ghaga marcià so [[Nairobi]] e ocupà la zona de Kariokor. I inglexi i ghaga dovù restituir tera e bestie. Ancò i kamba i sofre par la sicità ne le loro tere ancestrali, ma i se sa espanso ne le zone [[maasai]] (Altopian de i Kaputiei, zona de Narok e zona de Kajiado), e i ghaga atività comerciali ne le pi grandi sità del Kenya. Tanti kamba i segue la cariera militare o de le guardie forestali (Wildlife Service).
== Cultura ==
Come quasi tuti i grupi etnici keniani, i kamba i segue el sistema de le clasi de età. Tuti i omeni che i ghaga fato l’iniziasion insieme i fa parte de on grupo de età. On butel diventa omo co la circoncision. Al primo stadio de l’iniziasion, el butel el se ciama ''kamwana'' (picolo omo), al secondo stadio el diventa ''mwanake'' (gueriero) e al terzo ''nthele'' (omo maduro). Dopo sti tri stadi on el diventa ansian (i anziani i aministra la giustisia) e dopo custode del sacro (i veci i mèdia i bisogni del grupo con Dio). Tuti i kamba i apartien a ono de i 25 clan patrilineari. No se se pol sposar co done de lo steso clan.
== Religion ==
I kamba i crede in Dio (''Ngai'' o ''Mumbi'') ma anca in tuta na serie de spiriti. De solito i spiriti i xe i spiriti de i antenati. Ma ghe anca spiriti cativi. La dea ''Gatambi'' la xe la dea de le acque. No se capise ben se Gatambi la ghaga da esar considerà na dea al pari de Ngai, o solo no spirito sotomeso a Dio. I kamba ofre speso de i sacrifici incruenti a i spiriti, normalmente soto i albari sacri. Anca se la majoria la xe diventà cristiana, el mondo de i spiriti el xe oncora molto importante par i kamba.
