Verso el 1845, i boeri del [[Sudàfrica|Sudafrica]] i ga scominsià a atacar i acanpamenti tswana rente de la frontiera co el Transvaal. En tel 1876, i capicai Setshele del clan Kwena e Khama del clan Ngwato, i ga domandà a i inglexi de la colonia del CapoCao de jutarli contro le incursioni boere. I do capicai i parlava a nome de i so do clan, e no podea parlar a nome de tuti i tswana. I inglexi i xe stà veleci in tel rispondare e intervenir. A i inglexi no ge interesava el paexe, che nol xera fertile e no gavea materie prime. I inglexi i volea el control del teritorio par inpedir che i boeri de le republiche auonome del Transvaal e de l’Orange le se metese in comuicasion co la Namibia, controlada da i todeschi. I inglexi i ga alora proclamà el protetorato e dato el nome de Bechuanaland.
I inglexi i ga promoso i trasporti co la costrusion de na ferovia che portase i minerai da le miniere del Zinbabwe (alora Rhodesia) a i porti del Sudafrica. La ferovia la xe stà pronta in tel 1897. I tswana i ga capiocaio che i podea usar la ferovia a so cantagio e i ga scominsià a esportar vache in Sudafrica, e fin in tel Regno Unio. Co i inglexi i ga meso insieme i vari teritori de l’Africa Australe, i tswana i xe stà boni de tegnar el Bechuanaland fora dal novo Stato del Sudafrica. I no ga podù star fora da la dependensa del Sudafrica. El Botswana el xe on paexe lontan dal mar e no ga sbochi direti che a i porti de Durban e Port Elisabeth in Sudafrica.
En tel periodo de la colonia no ge stà altri tentativi de svilupo. I inglexi i controlava el paexe da i ufici in Mafikeng, in Sudafrica e i no gavea voja de svilupar el paexe.
== Indipendensa ==
La majoria de i tswana la ga acetà el cristianeximo. I fioi de i capicai clan i ndava in Inghiltera par studiar. One de questi, Seretse Khama, el xe diventà famoxo in tel Regno Unio in tel 1948 parché el se sa sposà co na bianca, Ruth Williams. Khama el xera l’erede direto del capocao de i Ngwato, el clan pi inportante de i tswana. El Sudafrica el ga dito sensa mezi termin che el no gavaria acetà on paexe direto da on nero sposà co na bianca. El Sudafrica el xera in tel pien svilupo de l’partheid. Anca i conservatori inglexi i ga protestà. Khama el xe restà in Inghiltera fin al 1956, co el ga rinuncià a diventar el prosimo capocao de i Ngwato. Na olta tornà in Bechuanaland, Khama el ga fondà el Bechuanaland (pi tardi Botswana) Democratic Party (Partito Democràtego del Bechuanaland) e domandà l’autogoverno. En tel 1961 i inglexi i ga conceso l’autogoverno. El 30 setenbre 1966 Khama el xe diventà el primo presidente de la republica del Botswana.
