Dal 4800 a.C. la zona dove desso ghe xe Belgrado la xe sta abità dal popolo dei Starčevo e dopo da quel dei Vinča. NelInte el III secolo a.C. i Celti i ga fondà un villaggio dove desso ghe xe el centro storico de la città, che dopo el xe sta ciapà dai Romani, che i ga messo el nome de Singidonum. Dal IX secolo al XVI secolo Belgrado la vien ciapà man man da vari popoli, come i Bizantini, i Franchi, i Bulgari, i Magiari e i Serbi, finché, inte el [[1521]], i la ciapa i Turchi Otomani. Tra el XVII secolo e el XVIII secolo Belgrado la vien conquistà varie olte dai Asburgo, ma senpre par poco tenpo, finché inte el [[1817]] i Serbi i riese a verghe l'autonomia dai Turchi, e inte el [[1841]] Belgrado la deenta capital del principato de la Serbia, che inte el [[1882]] el xe deentà Regno de Serbia. Dal [[1918]] al [[2006]] la xe stà capital prima del Regno dei Serbi-Croati-Sloveni, po' de la [[Jugoslavia]] e par ultimo de la Serbia-Montenegro, e desso la xe restà capital de la Serbia e basta.