'''Noenta''' (nome ufisial in italian ''Noventa Padovana'') el xe onun comun de 10 820 abitanti de ła [[provincia de Pàdova|provincia de Pàdoa]], conosùo par łe viłe vènete e pa' ła '' sagra del [[folpo]]'', cusita ciamà parché se vende pese e se magna in conpagnìa. On tenpo 'sta sagra ła xera l'ocaxion pa' véndare i prodoti de ła tera e anca vache e gałine: Noenta ła se mantignea grasie a ł'agricoltura e a ł'ałevamento. Tra łe viłe piasé nominae presenti in te'l teritorio comunałe ghe xe viła Giovanełi (che ghe xe anca inte ło stema de Noventa) e viła Valmarana, famoxa par łe opare d'arte de gran vaeore artistico-culturae.
== Storia ==
El so nome el vien fora par ła prima olta inte onun documento del 918, ma sto paexe el ciapa inportansa co vien definio mejo el alveo del [[Brenta]] e co vien scavà el [[Piovego]], i primi ani del 1200. Par pasar sto novo canal el venia costruio un ponte che el ga durà fin al 1919. In cuel ano un novo ponte, l'atual, co łe ''chiuse'' vien costruio e st'altro el casca in dixuxo fin ła so demolision.
El sentro del paexe el xe senpre stà ła Ceza parocial de San Piero e Paolo, nome sità pa ła prima oltain tel 1572, anca se sta Ceza ła esisteva almanco fin dal 1203.
