Difarense intrà łe version de "Istòria del Gànbia"

Dopo la seconda guera mondiale, el Gànbia el ga domandà l’autonomia. L’indipendensa la xe rivà el 18 fevraro 1965. El 24 aprile 1970, el Gànbia el xe diventà na republica costitusionale e el primo presidente el xe stà Dawda Kairaba Jawara.

En tel 1981, co el presidente el se catava a Londra in visita uficiale, Kukoi Samba Sanyang el ga fato on colpo de stato. El presidente el ga domandà al Senegal de intervenir. Dopo na setimana de scontri, le trupe senegalexi le ga vinto e le ga imposto al Gànbia de far na confederasion co lori. El SeneGànbia el xe nato così. Dopo oto ani, la confederasion la xe stà siolta.

En tel lulio 1994, i militari i ga fato el secondo colpo de stato e deposto Jawara. El colonel Yahya A.J.J. Jammeh el xe stà eleto presidente prometendo el ritorno a la democrasia. A le elesioni del 1996 e del 2001, Jammeh el xe stà rieleto. El presidente el se sa ripresentà in tel 2006 e el xe stà rieleto, anca se l’oposision la gavea domandà el ritiro dopo pi de diexe ani al governo.