Difarense intrà łe version de "Istòria del Gànbia"
Nova pàxena: thumb|right|350px|Mapa del Gambia en tel 1881 La '''Storia del Gambia''' la scominzsia co la so apartenenzsa teritoriale a i antichi imperi del Ghana e del Shong... |
(Nisuna difarensa)
|
Version de le 20:22, 2 zen 2008
La Storia del Gambia la scominzsia co la so apartenenzsa teritoriale a i antichi imperi del Ghana e del Shongai. Le prime testimonianzse scrite le xe del X secolo d.C. La trata trans-sahariana de sciavi, oro e avorio la rivava fin qi. Se calcola che ne i primi sinque secoli del milenio pasà, almanco sinque milioni de sciavi i xe stà portà via da la region del SeneGambia da i marcanti arabi. En tel XIV secolo, i abitanti del Gambia i xera tributari del impero del Mali, par poi pasare soto l’influenzsa de i wolof, etnia che se cata so la costa dal fiume Senegal al fiume Gambia. I primi eoropei a rivar qi i xe stà i portoghexi en tel XV secolo. En tel 1588 i portoghexi i gha vendù i diriti de comercio sul fiume Gambia a i inglexi.
En te i secoli XVII e XVIII Inghiltera e Franzsa i gha continuamente batajà par el predominio comerciale so ste coste fin che en tel 1783, co el tratato de Parigi, i inglexi i gha otegnù el control de la region. En tel 1807, l’Inghiltera la gha abolì el comercio de i sciavi. Par controlar le coste del SeneGambia i gha costruio el forte de Bathurst (ancò Banjul) en tel 1816. El Gambia el xera aministrà da la Siera Leone e el xe diventà colonia autonoma solo che en tel 1888. Dopo la seconda guera mondiale, el Gambia el gha domandà l’autonomia. L’indipendenzsa la xe rivà el 18 fevraro 1965. El 24 aprile 1970, el Gambia el xe diventà na republica costituzsionale e el primo presidente el xe stà Dawda Kairaba Jawara. En tel 1981, co el presidente el se catava a Londra en visita uficiale, Kukoi Samba Sanyang el gha fato on colpo de stato. El presidente el gha domandà al Senegal de intervenir. Dopo na setimana de scontri, le trupe senegalexi le gha vinto e le gha imposto al Gambia de far na confederazsion co lori. El SeneGambia el xe nato così. Dopo oto ani, la confederazsion la xe stà siolta.
En tel lulio 1994, i militari i gha fato el secondo colpo de stato e deposto Jawara. El colonel Yahya A.J.J. Jammeh el xe stà eleto presidente prometendo el ritorno a la democrazsia. A le elezsioni del 1996 e del 2001, Jammeh el xe stà rieleto. El presidente el se sa ripresentà en tel 2006 e el xe stà rieleto, anca se l’oposizsion la gavea domandà el ritiro dopo pi de diexe ani al governo.
