Difarense intrà łe version de "Storia de la Liberia"

Co la morte del presidente Tubman (1971), el vice presidente William R. Tolbert el xe diventà presidente. EL so primo laoro el xe stà quelo de far controlar i conti de le companie foreste. La Firestone, che la gavea sempre denuncià manco de quel che la fazea, la gha dovù pagar milioni de dolari de tase aretrate. Tolbert el gha anca tentà de verzsar fora l’aministrazsion publica a i liberiani locali, ma el gha catà la resistenzsa de la elite americo-liberiana. I privilegiati i vedea i canbiamenti come mas veloci, i liberiani i li vedea come masa lenti.

Tolbert el gha anca fato aprovar de le legi opresive contro l’oposizsion e i media. En tel april del 1979, co el gha tentà de tajar i susidi al rixo, la zente la sa reoltà contro de lu. El governo el dixea che l’aumento del costo el dovea servir par svilupar la coltivazsion del rixo da parte de la popolazsion locale, i opositori i faxea notare che la fameja Tolbert la gavea el monopolio del rixo, e che l’aumento del costo el saria ndà ne le so tasche. Tolbert el gha perso autorevolezsa e le somose le gha roinà le poche infrastruture de Monrovia.

El 12 aprile 1980, el sergente Samuel K. Doe, de la pi picola etnia de la Liberia, i Krahn, el gha direto on colpo de stato e copà Tolbert. Quasi tuti i ministri i xe stà fusiladi dopo pochi dì. La majoria de i laoradori governativi i xe scapà via. Finia così el predominio americo-liberiano dopo 133 ani de controlo del paexe.

Doe el gha subito promeso el ritorno a la democrazsia par el 1984. Eo el gha fato aprovare na nova Costituzsion che la permetea el multipartitismo e la popolazsion la gha aprovada co on referendum en tel 1984. Doe el xera el capo de el Consilio de la Redenzsion del Popolo. Lu e i altri i xera soldai de poca preparazsion inteletuale, i no savea governar. Doe el gha scominzsià a copare tuti quei che i se meteva contro de lu. En manco de do ani el gha perso tuto el sostegno popolare che el gavea.