Spetacoło

Coła paroła spetàcoło se intende, in xenerałe, na rapresentazsion artìstega fata a beneficio de un publico, che ła pol esar de diverso tipo: teatrałe, cinematografica, canora o musicałe. Al xorno d'ancó, łe varie forme de spetacoło (e soratuto łe arti visuałi) łe sà diversificà un bel po' rispeto a na òlta, e deso gavemo ła television che la xe in grado de ofrir spetacołi de vario xènere, dal'intratenimento, ai xughi (specialmente i quiz), ała cultura. Anca tanti eventi sportivi - che tira ogni olta un bel mùcio de xente - i xe considerà ormai ała stregua de spetacołi.