Difarense intrà łe version de "Storia del Ruanda"

I tutsi che i ga lasà el paexe en te i ani 50 e 60, i ga domandà de esar riconosudi come ruandexi e de poter votar en tel paexe. El 1 otobre 1990, i guerilieri del Fronte Popolare Ruandexe – grupo sostegnù da i tutsi, da i governi de l’Uganda e de i Stati Unii, e co l’apogio de la Franzsa – i ga invaso el Ruanda a partir dal sud de l’Uganda.

I tutsi i no ga calcolà ben le so mose. I ga volesto rivar subito a [[Kigali]], la cavedal. I hutu i ga ciapà paura, pensando che i tutsi i volea tor el poter e reinstaurare el sistema feudale. El presidente Habyarimana el ga subito aprovà i programi par el genocidio de i tutsi e de i hutu che colaborava co lori.

El 6 aprile 1994, on aereo che portava Habyarimana e Cyprien Ntaryamira, presidente del Burundi, a Kigali, el xe stà tirà zo co de i misili de costruzsion francexe che i militari americani i gavea catura durante le prima guera del Golfo e pasà a i guerilieri tutsi. I do presidenti i xe morti e el genocidio el xe scominzsià subito. A la fin de la guera sivile, almanco mezso milion de hutu e de tutsi i xera morti. La cifra uficiale de 937.000 morti no la xe realistica. Inoltre, el goerno nol ga mai volù che se controlase el numero de i hutu copà da i guerilieri. El capo de la guerilia, Paul Kagame, el ga conquistà la cavedal e el ga tolto el potere, prima come primo minstro e dopo come presidente.

Paul Rusesabagina, che ga scrito la so testimonianzsa del genocidio en tel libro ''Hotel Rwanda'', el ga domandà che Paul Kagame el sia giudicà da on tribunal internazsionale par crimini contro l’umanità.