Difarense intrà łe version de "Storia del Zinbabue"

Verso el XIV secolo, le sità stato le se ga unio on poco a la olta fin a cuerzar el teritorio de lo Zinbabwe. L’opera de unificazsion la xe stà fata da i shona,<ref>''Shona'' el xe el nome singolare, mashona (1a olte maShona), el plurale. Lo steso se po dir de ''ndebele'' – matebele. En sta voxe se usa senpre el nome singolare de i popoli par evitar dificoltà de conprension co se canbia al plurale.</ref> che i ga fondà el inpero del Monomotapa co cavedal a [[Grande Zinbabwe]], da cui vien el nome de lo stato odierno. La sità de Grande Zinbabwe la xera serà da grose mura de piera e da tori coniche che controlava i punti de avicinamento. Le tecniche de costruzsion le xe ancora ancò usade de i abitanti de la zona. La siviltà Monomotapa la ga fondà la so richezsa so el sfrutamento de le miniere de fero e de oro. El materiale laorà el vegnea portà a Sofala, so la costa del [[Mozanbico]] del nord par esar vendù a i marcanti arabi. Lo scanbio el xera en do direzsioni, visto che a Grande Zinbabwe i archeolgi i ga catà vaselame cinexe, monede persiane e cinexi, e parsino ogeti romani e greci. El regno el ga ragiunto el so apice en tel XVI secolo co el re Matope. Dopo de lu el ghe stà on continuo decadimento.