Difarense intrà łe version de "Portogało"

'''[[Łisbóna]]'''(Portugues:Lisboa), ła cavedal ła xe tacada su ła riva destra del grando estuario del [[Tejo]]. Ła xe na beła e vivaxe zsità dal caràtere mediteràneo nonostante ła sìe situada su l'Atlàntico. Ła ga grandi viałi albarai e quartieri che i se rànpega su łe cołine zsircostanti, onde se leva na vexetazsion lusurejante quaxi tropical. Łe do rive del Tago, che l'é largo quaxi un chiłòmetro, łe xe cołegae da d pónti: un xigantésco pónte de fer, ciamà XXV Abril; e el longhìsimo (zsérca 18 km) [[Vasco de Gama]]. El porto de [[Łisbóna]] el xe el pi grando del paéxe e qua ghe xe anca qûalcheduna de łe prinzsipałi industrie.

'''[[Oporto|Oporto]]'''(Pt. Porto), situada su l'Atlàntico, inte ła part setentrional del paéxe, ła xe na zsità sióra de òpare de art medievałi e rinasimentałi. Ła xe traversà dal fiume [[Douro]] e ła xe el prinzipal porto de inbarco dei vin portoghéxi, largaménte esportai in tut el móndo. El só zséntro stòrico, l'antigo quartier de ła [[Ribeira (Oporto)|Ribeira]] el xe stà ciamà da l'[[Unesco]] [[patrimonio de l'Umanità]].

'''[[Coinvra]]'''(Pt. Coimbra),situada inte'l distréto de [[Coinvra]] (distrito de Coimbra), inte ła rejon de Beira e ła xe bagnada del fiume Mondégo. Terzsa çità del paéxe, ła xe famóxa pa' ła só università, fondada inte'l 1290, intra łe prime in Eoropa. A uncuò ła xe el pi grando çéntro universitario del [[Portogało]] e ła òspita , oltra che i studénti del liogo, anca 20.000 toxati e tóxe del resto del paéxe.