El Regno de Mezso va da el 2030 al 1640 a.C., e comprende le dinastie undicesima, dodicesima e parte de la tredicesima. La cavedal xera a Tebe (11 Dinastia) e el-Lisht (12 dinastia). Dopo la riunificazsion de la naxion, Mentuhotep II gha moso guera contro la [[Nubia]], che la sera stacà da l'Egito durante el periodo intermedio, e contro i stati de Canaan (Palestina). El faraone gha risistemà l'aministrazsion publica e istituì la carica de primo ministro (vizir). CO la dodicesima dinastia, la Nubia e la Libia xe stà conquistà e sotomese soto i faraoni Amenemhat I e Senusret I e II. Amenehemat III (1860-1839) xe stà l'ultimo grande faraone de sta dinastia. Durante el so regno, la popolazsion xera cresuda tanto che la produzsion alimentare no la bastaa a covrir la domanda interna, e na serie de ani de carestia gha portà a la fine del Regno de Mezso e l'inizsio de el secondo periodo intermedio.