|
== Età moderna ==
Soto i imperatori Tewodros II (1855 - 1868), Yohannes IV(1872 - 1889), e Menelik II (1889 - 1913), l’Etiopia gha scominzsià a vegnar for a dal so medioevo par entrar de novo en contato co paexi estari. Tewodros gha riorganizà l’aministrazsion de el regno, contro el parer de i so feudatari. El raporto co le potenzse eoropee xe stà negativo. Co la regina Vitoria no gha risposto a na so letara, Tewodros gha fato metar en prizson i inglexi che vivea en Etiopia. I inglexi gha mandà na spedizsion par salvarli, e el re – co gha savesto che gavea perso – el sa copà. En tel marzsomarso 1870, na compagnia comerciale italiana gha comprà el porto de Asab nel sud de l’Eritrea da un sultan locale. Dopo verghe comprà altra tera nel 1879 e 1880, la compagnia gha vendù tuto al governo italian nel 1882. En tel 1888, 20.000 soldadi italiani xe rivà a Asab. Dopo na negozsiaxion co i etioipici, 5.000 soldadi xe rimasti a Asab.
El imperator Yohannes IV gha dovù far combatare co i dervishi. En tel 1889, a la batalia de Gallabat, i etiopici gha vinto, ma el imperator xe stà colpio da na palotola e el xe morto (9 marzsomarso). Sahle Maryam, sior de Shawa, el sà proclamà emperator co el nome de Menelik II, e i sioroti locali xe stà d’acordo. Menelik gha firmà el tratato de Wuchale co i italiani (2 magio, 1889) dandoghe l’Eritrea a i italiani en cambio del 30.000 fuzili, palotole e canoni. I italiani gha subito dito che el tratato ghe dava a lori el protetorato su tuta l’Etiopia, anca se el testo no dixe niente de sto genere. El problema se gha risolto co la batalia de Adua co i italiani gha perso contro i etiopici (1 marzsomarso 1896). En tel 1894, Menelik gha dato el parmeso a i francexi de costruir la ferovia da Gibuti a Adis Abeba. A la morte de Menelik, so neodo Lij Iyassu l’è saliò al trono par esar deposto nel 1916. Zaudito, la fiola de Menelik, l’è salia al trono e so cusin Ras Tafari Makonnen nomià regente. En tel 1930, a la morte de Zaudito, Ras Tafari l’è diventà imperatore co el nome de Haile Selassie I.
== DERG ==
Mentre el paexe patia par la carestia, Haile Selassie stava el so palazso ne la cavedal senzs incorserse de la situazsion de la zente. Nel febraro 1974, i militari gha fato on colpo de stato e gha deposto el imperator. Eò 12 setembre 1974, i militari gha costituio el DERG, on comitato che dovea governar el paexe. El imperatore xe morto el 22 agosto 1975, l’acusa xe che el xe stà stofegà da i militari. El colonelo Mengistu Haile Mariam xe divenà el presidente de l’Etiopia e el gha subito ordinà l’asasinio de i so coleghi pi forti e quelo de migliara de opositori. Soto Mengistu, el governo gha nazsionalizànasionalizà tute le tere. En tel 1977, la Somalia gha invaso l’Ogaden, na region de l’Etiopia co l amajoria d ei bitanti de origine somala. Dopo verghe vinto la guera, el governo etiopico no gha iudà la zente de l’Ogaden a ricostruir la so region. Ancora ancò sta region xe la pi povera del paexe. El primo de febraro del 1987, la popolazsion la xe stà ciamà a le urne par aprovar la costituzsion del paexe. L’Etiopia la diventava così na Republica Democratica, e Mengistu el so primo presidente.
La represion de la rivolta del Tigray e la guera de autodeterminazsionautodeterminasion de l’Eritrea gha disanguà le case del paexe. En pi, na serie de carestia e la morte de pi de on milion de persone par la fame, gha portà el governo al colaso. En tel magio del 1991, le forzse de oposizsion xe entrà a Adis Abeba e el ditator xe scapà en Zimbabwe. En tel 2006, co on proceso legale, Mengistu l’è stà condanà par genocidio. Mengisto l’è ancora nascosto en Zimbabwe.
== I ultimi ani ==
|
