Difarense intrà łe version de "Storia del Xànbia"

Nonostante le richezse minerarie, i primi ani de lo Zanbia indipendente i xe stà dificili. I zanbiani co la conpetenzsa de mandar anti el governo e le industrie i xera pochi. El presidente Kenneth Kaunda el ga selto el socialismo e el partito unico.

El governo el volea portar el paexe a l’autosuficenzssa alimentare. Le inportazsioni le xera pagà co el rame. Fin a i ani 70 l’economia la ga tegnù. Dal 1975 al 1990, l’economia la ga perso pi del 30% del so valor, anca parché el valor del rame – major esportazsion zanbiana – el xe ndà zo a livelo mondiale.

 

==Democrazsia==

Chiluba el ga privatizsà le industrie, liberalizsaà l’economia e rimoso i susidi che tegnea baso el costo del fromenton, cibo de baxe de i zanbiani. Chiluba el ga governà come on ditator e no ga dato spazsio a le oposizsioni.

En tel 1997, on grupo de militari i ga tentà el colpo de stato par metar fine al governo de Chiluba. El colpo el xe falio e el governo el ga fato arestar i colpevoli, ma anca i opositori che no gavea fato niente. Tra questi l’ex presidente Kaunda. Chiluba el ga provà a far canbiar la Costituzsion par presentarse na terza olta a le elezsioni, ma el so steso partito el ga rifiutà.

Soto la guida de Mwanawasa, el paexe el stà guadagnando tereno, specialmente en tel canpo agricolo. Da inportator de prodoti agricoli, lo Zanbia el xe diventà esportator e el xe stà bon de jutare la Tanzania en tel 2003 co i tanzaniani i ga vù problemi de produzsion alimentare.