Difarense intrà łe version de "Storia del Zinbabue"

Smith el xera sostegnù da la minoranzsa bianca, che la sostegnea anca la forma de apartheid de Smith. Nesun stato el ga riconosù l’indipendensa de la Rhodesia e anca la popolasion nera la xera contraria: da la colonia la pasava a esar governada da na minoranzsa che la tegnea en man tute le richezse del paexe.

Smith el ga podù far sta mosa parché el gavea el sostegno del Sudafrica (che el ga fornì armi e altri aiuti militari) e del Portogalo (che ga parmeso l’uso de i porti del Mozanbico par esportar i minerali e inportar i beni necesari a far funzsionar el paexe).

Dopo el Mozanbico anca el Sudafrica el ga ritirà el so sostegno. Smith el se ga catà en on canton. Dopo do ani de tentativi, el ga verto la posibilità del dialogo. Smith el ga scominsià a parlar co Abel Muzorewa, on vescovo anglicano che el ga fondà el Consilio Nasionale Africano Unio el tel 1974. Murozewa el xera on nasionalista, ma el ga volù tentar la strada de dialogo pitosto che quela de la violensa. Visto che il dialogo el xera pieno dpromese, anca i guerilieri i ga volù metarse da la parte de Murozewa. A i inizsi del 1978, Smith e Murozewa i ga firmà la Solusione Interna (Internal Settlement) par rivar a la fine de l’insuresione armata, a l’indipendensa e al riconosimento internasional del Zinbabwe. Co l’acordo, la Rhodesia la xe tornà soto l’influensa inglexe co el nome de Zinbabwe Rhodesia.

Le elesioni del 1979 le ga visto la vitoria de Muzorewa, ma anca la ripresa de la guera. Mugabe el no ga podù participar a le elesioni e el no volea darghe man libara a Muzorewa. A la fin del 1979, i rapresentanti de le varie fasioni i se ga catà a Londra par discutar el cesate el fogo e stabilir na data par le prosime elesioni. La guera sivile la xe finia. Uficialmente pi de 30.000 persone le xe morte durante la guera. Se dovaria parà tegnar conto de miliari de contadini copà da le trupe de Mugabe parché i no volea sostegnerlo.

Le elesioni del marso 1990 le ga confermà la forzsa de Mugabe, vinzsendo 117 segi so 120. Ghe xe molti dubi so la trasparenzsa de le quele elesioni – e de tute quele vegnù dopo – ma el xe anca vera che Mugabe el xe stà bon de atirar el sostegno de la popolasion locale co el so inpegno par l’educasion libara par uti e altre decizsioni populiste.

 

 

En tel 1999, tuti i partiti d’opozizsion i sa ragrupà en del Movimento par el Canbio Democratico (Movement for the Democratic Change - MDC). El MDC el ga atirà el suporto de setori senpri pi grandi de la società zinbabweana. Morgan Tsvangirai, omo de afari e capo de l’opozizsion, el xe stà speso meso en prison, picià da l apolizsia e mandà a l’ospedal par le torture che el ga subì. Tsvangirai el ga continuà a oporse a Mugabe e el xe l’unica figura che la pol presentar na vera alternativa al vecio ditator.

El tel ano 2000, par tentar de canbiare la situasion e verghe el sostegno de la clase dirigente, Mugabe el ga obligà i bianchi a ndar via da le so fatorie e el ga dato la tera a i so sostenitori. La mjoria de i bianchi i xe scanpà en Australia, Sudafrica, Mozanbico, Zanbia, e Nigeria. I paexi africani che i ga risevù i bianchi zinbabweani i ga dato tera e diriti de coltivasion par darghe on novo inpulso a la so agricoltura e l’alevamento de bestie. El Zinbabwe, invese, el xe pasà da esportatore a inportatore de prodoti agricoli. La tera la xe stà data en man de richi africani e solo pocheta la xe ndà en man de agricoltori africani. La recesion economica la ga inpedio al paexe de cronpar prodoti petroliferi e così anca i machinari agricoli i xe stà fermi. Ancò el dolaro zinbabweano nol val niente, e l’inflasion la ga superà el 5.000%.

 

 

==Note==