Difarense intrà łe version de "Laburnum anagyroides"

|nome=Ègano

|statocons=

|didascalia=''Laburnum anagyroides''

<!-- CLASSIFICAZIONE: -->

|sottospecie=

<!-- NOMENCLATURA BINOMIALE: -->

|binome=Laburnum anagyroides

|bidata=[[1787]]

}}

 

 

Ł''''ègano''' (nome sientifego ''Laburnum anagyroides'') el xe na pianta deła fameja dełe ''Fabaceae''. In todesco se dixe ''Goldregen'', in inglexe ''laburnum'', in taljan ''maggiociondolo''. Sta pianta, alta fin a 5 - 6 metri, ła ga, come carateristega, graspi longhi 30 cm de fiori (40 par graspo) xałi oro. Sti fiori, fati a farfała, i xe grosi presapoco do çentimetri e i vien fora fra [[apriłe]] e [[lujo]]. In lujo maùra i fruti, ke i pare fasoj de cołor verde scuro - maron, con drento fin a disdoto semense more.

Ł'ègano vien doparà come pianta ornamentałe 'ntei giardini, ma el [[legno]], xało - maron, el xe duro e rexistente e bon par far pałi, lavori de carpenteria e anca par esare bruxà.

 

 

In spece łe semense, ma anca łe altre parti deła pianta, łe ga drento dei [[alkałoidi]]: citixina, N-Metilcitixina, laburnina e laburnamina. Ste sostanse xe ła raxon deł'invełenamento da ègano.

 

 

Inteł'omo, ma no 'ntel [[conejo]], ntel [[lievore]] e 'ntel [[cervo]], i alkałoidi deł'ègano i intòsica i gangli sinpatici del sistema nervoxo , in maniera ke ghe someja ała [[nicotina]], visto ke i se liga ai stesi recetori: prima stimołando e dopo portando ała paràłixi. I sintomi i xe: sgrìxołi, forte traspirasion, giramenti de testa e mal de testa 'nteła prima faxe, parałixi e arèsto del respiro 'nteła seconda. Par fortuna 'ntei òmeni ł'intosicasion ła xe acuta e ła fa vomitar tuto subito, di modo ke no se va avanti coł'asorbimento dei alkałoidi e tuta ła serie de disastri ke gavemo visto prima.

[[pl:Złotokap zwyczajny]]

[[pms:Laburnum anagyroides]]

[[sv:Sydgullregn]]