Difarense intrà łe version de "Caval (architetura)"
Pàxena creà con '{{nota disambigua|an animal |Equus caballus}} An '''caval''' al è an elemento architetonico che al materjaliza al principio costrutiu de 'l triangol, cioè la pì senplice ...' |
(Nisuna difarensa)
|
Version de le 18:28, 2 dis 2009
An caval al è an elemento architetonico che al materjaliza al principio costrutiu de 'l triangol, cioè la pì senplice strutura reticolar isostatica che se pode far.
Uso
Al caval al gnen doperà par cener sù an quert a do falde aonde che no ghe n'è an mur portante.
Costružion
Al caval al gnen fat co trau de legn sagomadi prim de gner metesti 'te 'l so posto. Prim se sagomea al gross, podopo gnen metest insjeme i toch a piè d'opera e co 'l segon se ripassa tuti i punti de contato, in modo che i conbacie polito. Na olta fata sta operažion se smonta i cavai e se torna a meterli insieme te 'l posto aonde che i à da star. I diversi toch de legn podaree star fermi solche par isostaticità (te 'l pjan) e par atriti e simetria de sforž (te 'l spažio), ma comunque par sicureža se i fissa co ciodi o, secont le nove norme, co stafe inbolonade. I trau che se dopera a far al caval de solito i è de roro, laress o Pež.
Nomencladura
Al toch orizontal, che al è sojeto a 'n sforž de tražion, al gnen ciamà cadena, quei de stravers, sojeti a conpression no uniforme, a taj e a flession par via de 'l cargo distribuì diagonal che la ghe manda la falda, i se ciama ganbe da caval. Al toch sù in žima, sojeto a conpression, al se ciama omenet.
.jpg)