Difarense intrà łe version de "Storia del Senegal"

La '''Storia del Senegal''' la scominsia co i primi resoconti scriti co l’arivo de i [[berberi]] en tel XII secolo d.C. Ma fin da i tenpi preistorici el Senegal elxe stà abità. Da i ricatamenti fati da i paleontologi se sa che el teritorio del Seneganbia el xera abità za en tel paleolitico inferior. I ricatamenti pi inportanti i xe stà fati en te la region costiera de Cap Vert. A Rufisque, rente de la cavedal [[Dakar]], i acheologi i ga catà asce, rasoi e altri utensili fati de piera. Altri ricatamenti inportanti i xe stà fati rente de Rosso, longo e fiume Senegal, en tel nord del paexe.

 

Co l’arivo del enolitico se vede l’aparision de la seramica. I ricatamenti parla de culture dedite a la pesca longo la costa ma anca de popoli marcanti che i baratava i prodoti de l’interno.

Del periodo neolitico i xe i megaliti che se cata en tel sud del paexe, en te la region a caval co el [[Ganbia]]. Varie popolasioni le se sa svilupà en tel delta del fiume Ganbia. I megaliti i se cata en te na region de 250 km par 100 km. Costrusioni simili le se cato solo che en the la [[Republica Sentrafricana]], a miliari de km de distansa.

 

La tecnologia de i metali, età del fero, la xe rivà co le popolasioni che le abitava el [[Sahara]] le se sa spostà co la desertificasion de la region (I milenio a.C.).

 

==Colonizasion==

Co el XV secolo, le potense marinare eoropee le ga scominzià a vegnar so le coste del Senegal. Par primi i portoghexi, che i gha anca meso de le baxi longo la costa. El vilagio de Rufisque, par esenpio, el ciapa el nome da Rio Frisco, fiume de acque fresche, che portoghexi i ga dato. La architetura de la costa la testimonia l’influensa portoghexe. El Sengal el xe presto diventà on grande serbatoi de sciavi che i vegnea portadi en Brazil, e verso i Stati Unii pi tardi.

 

A Gorée, n’ixola poco distante de Dakar, se pol visitar el forte olandexe. La porta che la varda verso l’Oceano Atlantego la xe ciamà porta del non ritorno. Anca se i studi fati senbra metar en question che el forte fuse veramente on centro de smistamento de i sciavi, che la zona de Dakar la fuse on sentro inportante par la trata el xe fora discusion.

 

 

==Verso l’indipendensa==

En tel 1902 [[Dakar]] la xe diventà la cavedal de la colonia francexe en Africa de l’ovest. Dopo la seconda guera mondiale, le colonie francexi le ga conosù on veloce movimento verso l’indipendensa. En tel genaro 1959, el Sudan Francexe (Mali de ancò) e el Senegal i xe stà mesi insieme par formar la Federasion del Mali. La federasion la durarà solo fin al agosto 1960, co i do stati i se sa proclamà indipendenti. [[Léopold Senghor]], leterato menbro de l’Academia de Fransa e catolego, el xe stà eleto primo presidente.